ലോക് സഭയുടെ ആദ്യ വനിതാ സ്പീക്കർ ആര്?
Mail This Article
∙ഐക്യരാഷ്ട്ര സംഘടന ആഹ്വാനപ്രകാരം ലോക സൈക്കിൾ ദിനമായി ആചരിക്കുന്നു.
∙ആദ്യ ജ്ഞാനപീഠ ജേതാവ് ജി. ശങ്കരക്കുറുപ്പ് എറണാകുളം ജില്ലയിലെ നായത്തോട് ഗ്രാമത്തിൽ ജനിച്ചു (1901). ഓടക്കുഴൽ, സൂര്യകാന്തി, സാഹിത്യകൗതുകം, ഓർമയുടെ ഓളങ്ങളിൽ എന്നിവ പ്രധാനകൃതികൾ.
∙ബ്രിട്ടിഷ് ഇന്ത്യയെ വിഭജിച്ച് അധികാരക്കൈമാറ്റം നടത്താൻ തയാറാക്കിയ പദ്ധതി മൗണ്ട് ബാറ്റൻ പ്രഭു ഓൾ ഇന്ത്യ റേഡിയോയിലൂടെ പ്രഖ്യാപിച്ചു (1947). മൗണ്ട് ബാറ്റൻ പദ്ധതി, ജൂൺ തേഡ് പ്ലാൻ എന്നിങ്ങനെ അറിയപ്പെടുന്നു.
∙ലോക് സഭയുടെ ആദ്യ വനിതാ സ്പീക്കറായി മീരാകുമാർ അധികാരമേറ്റു (2009). ഇന്ത്യയുടെ നാലാം ഉപപ്രധാനമന്ത്രി ജഗ് ജീവൻ റാമിന്റെ മകളാണ്.
∙ദക്ഷിണേന്ത്യയിൽ ആദ്യം കണ്ണാടി പ്രതിഷ്ഠ നടത്തിയ നവോത്ഥാന നായകൻ വൈകുണ്ഠ സ്വാമികൾ അന്തരിച്ചു (1851). 'വേല ചെയ്താൽ കൂലി കിട്ടണം' എന്ന മുദ്രാവാക്യം ഉയർത്തിയ ഇദ്ദേഹം 'നിഴൽ താങ്കൽ' എന്ന ആരാധനാലയങ്ങൾ സ്ഥാപിച്ചു.
∙ചരിത്രകാരനും നയതന്ത്രജ്ഞനും സാഹിത്യകാരനുമായ സർദാർ കെ. എം. പണിക്കർ (കാവാലം മാധവപ്പണിക്കർ) ജനിച്ചു (1895). രാജ്യസഭയിലേക്കു നാമനിർദേശം ചെയ്യപ്പെട്ട ആദ്യ മലയാളിയും കേരള സാഹിത്യ അക്കാദമിയുടെ ആദ്യ അധ്യക്ഷനുമാണ്.
English Summary: Exam Guide - June 3 - Today in history