'മഹാത്മജിയുടെ മനഃസാക്ഷി സൂക്ഷിപ്പുകാരൻ' എന്നറിയപ്പെടുന്നതാര്?

∙രാജ്യാന്തര യോഗാ ദിനം. ലോക സംഗീത ദിനം, ലോക ഹൈഡ്രോഗ്രഫി ദിനം, രാജ്യാന്തര ടി ഷർട്ട് ദിനം. 

∙ സ്വതന്ത്ര ഇന്ത്യയിലെ ഇന്ത്യക്കാരനായ ആദ്യ ഗവർണർ ജനറലായി സി. രാജഗോപാലാചാരി ചുമതലയേറ്റു (1948). 'മഹാത്മജിയുടെ മനഃസാക്ഷി സൂക്ഷിപ്പുകാരൻ' എന്നറിയപ്പെട്ടു. 'രാജാജി' എന്നു വിളിക്കപ്പെട്ടു. 

∙പി. വി. നരസിംഹറാവു ഇന്ത്യയുടെ 9 ാം പ്രധാനമന്ത്രിയായി അധികാരമേറ്റു (1991). പ്രധാനമന്ത്രിപദത്തിലെത്തിയ ആദ്യ ദക്ഷിണേന്ത്യക്കാരൻ.

∙മൂന്നാം തവണയും ലോകകപ്പ് ഫുട്‍ബോൾ വിജയികളായതോടെ യൂൾറിമെ കപ്പ് സ്ഥിരമായി ബ്രസീലിന്റെ കൈവശമെത്തി (1970). മെക്‌സിക്കോ സിറ്റിയിൽ നടന്ന ഫൈനൽ മത്സരത്തിൽ ഇറ്റലിയെ 4-1 നാണു പരാജയപ്പെടുത്തിയത്. 

∙നൊബേൽ സമ്മാനം നിരാകരിച്ച ആദ്യത്തെ വ്യക്തിയും ഫ്രഞ്ച് സാഹിത്യകാരനുമായ ഴാങ് പോൾ സാർത്ര് ജനിച്ചു (1905). 1963 ൽ പ്രസിദ്ധീകരിച്ച 'ദ് വേഡ്സ്‌' ആത്മകഥയാണ്.

∙ബഹിരാകാശത്തെത്തിയ ആദ്യത്തെ സ്വകാര്യ വാഹനമായി 'സ്‌പേസ് ഷിപ് വൺ ഫ്ലൈറ്റ് 15 പി' (2004). മൈക്ക് മെൽവിൻ ആണ് ഇതു നിയന്ത്രിച്ചത്. 

∙രാഷ്ട്രീയ സ്വയം സേവക് സംഘ് സ്ഥാപകൻ കേശവ് ബലിറാം ഹെഡ്ഗേവാർ അന്തരിച്ചു (1940). 1925 ലാണ് ആർ എസ് എസ് സ്ഥാപിതമായത്.

English Summary: Exam Guide - June 21 - Today in history