ഗാന്ധി– ഇർവിൻ സന്ധി, ജോസഫ് സ്റ്റാലിന്റെ മരണം, സുബ്രതോ മുഖർജിയുടെ ജനനം – ചരിത്രത്തിൽ മാർച്ച 5
![career-channel-today-in-history-fifth-march-the-gandhi-irwin-pact career-channel-today-in-history-fifth-march-the-gandhi-irwin-pact](https://img-mm.manoramaonline.com/content/dam/mm/mo/education/exam-guide/images/2022/3/5/career-channel-today-in-history-fifth-march-the-gandhi-irwin-pact.jpg?w=1120&h=583)
Mail This Article
സ്പെഷൽ ഫോക്കസ് 1931
∙ മഹാത്മാഗാന്ധിയും ഇർവിൻ പ്രഭുവും ഗാന്ധി– ഇർവിൻ സന്ധിയിൽ (The Gandhi–Irwin Pact) ഒപ്പുവച്ചു.
∙ 1926– 1931 കാലത്ത് ഇന്ത്യയിലെ ബ്രിട്ടിഷ് വൈസ്രോയിയായിരുന്ന ഇർവിൻ പ്രഭുവും കോൺഗ്രസുമായുള്ള ചർച്ചയെത്തുടർന്നുണ്ടാക്കിയ സന്ധിയിൽ 21 ഖണ്ഡികകളാണ് ഉണ്ടായിരുന്നത്.
∙ 1926– 1931 കാലത്ത് ഇന്ത്യയിലെ ബ്രിട്ടിഷ് വൈസ്രോയിയായിരുന്ന ഇർവിൻ പ്രഭുവും കോൺഗ്രസുമായുള്ള ചർച്ചയെത്തുടർന്നുണ്ടാക്കിയ സന്ധിയിൽ 21 ഖണ്ഡികകളാണ് ഉണ്ടായിരുന്നത്.
∙ നിയമലംഘന പ്രസ്ഥാനം നിർത്തിവയ്ക്കാമെന്നും ലണ്ടനിൽ നടക്കുന്ന രണ്ടാം വട്ടമേശസമ്മേളനത്തിൽ പങ്കെടുക്കാമെന്നും കോൺഗ്രസ് സമ്മതിച്ചു. അക്രമങ്ങളിൽ ഏർപ്പെട്ടവരൊഴികെ തടവുകാരെ വിട്ടയയ്ക്കാമെന്നും ഉപ്പുണ്ടാക്കാൻ ഇന്ത്യക്കാർക്ക് അനുവാദം നൽകാമെന്നും കരാറുണ്ടായി.
∙ അർധനഗ്നനായ ഫക്കീർ എന്നു ഗാന്ധിജിയെ വിൻസ്റ്റൺ ചർച്ചിൽ വിശേഷിപ്പിച്ചത് ഈ വേളയിലാണ്.
ചരിത്രത്തിൽ മാർച്ച 5
∙ ആണവ നിർവ്യാപന കരാർ (Treaty on the non- proliferation of nuclear weapons) നിലവിൽ വന്നു (1970). 1968 ജൂലൈ ഒന്നിനാണ് കരാർ ഒപ്പുവച്ചത്.
∙ ദേശീയ ബാലാവകാശ കമ്മിഷൻ പ്രവർത്തനം ആരംഭിച്ചു(2007). ശാന്ത സിൻഹയായിരുന്നു ആദ്യ ചെയർപഴ്സൻ.
∙ രണ്ടാം ലോകമഹായുദ്ധകാലത്തെ സോവിയറ്റ് ഭരണാധികാരി ജോസഫ് സ്റ്റാലിൻ അന്തരിച്ചു(1953). സോസോ, കോബ തുടങ്ങിയ പേരുകളിൽ അറിയപ്പെട്ടു.
∙ ഇന്ത്യൻ വ്യോമസേനയുടെ പിതാവ് എന്നറിയപ്പെടുന്ന എയർമാർഷൽ സുബ്രതോ മുഖർജി ജനിച്ചു (1911). ഇന്ത്യൻ വ്യോമസേനയുടെ ഇന്ത്യക്കാരനായ ആദ്യ മേധാവി.
Content Summary : PSC Rank File - Today In History - 5 March