സ്പെഷലിസ്റ്റ് ഡോക്ടർമാരുടെ 73 ഒഴിവ്, ശമ്പളം: 85,000 രൂപ
Mail This Article
സെൻട്രൽ റിസർവ് പൊലീസ് ഫോഴ്സിന്റെ ആശുപത്രികളിൽ സ്പെഷലിസ്റ്റ് ഡോക്ടർ തസ്തികയിലെ 73 ഒഴിവിലേക്ക് വോക് ഇൻ ഇന്റർവ്യൂ നടത്തുന്നു. കരാർ നിയമനമാണ്. മാർച്ച് ഒന്നു മുതൽ ഏഴുവരെയുള്ള ദിവസങ്ങളിലാണ് ഇന്റർവ്യൂ. കേരളത്തിൽ രണ്ടൊഴിവുണ്ട്. ഓഫ്താൽമോളജി, റേഡിയോളജി വിഭാഗങ്ങളിൽ ഓരോ ഒഴിവു വീതമാണുള്ളത്. മാർച്ച് ഒന്നിനാണ് ഇന്റർവ്യൂ.
സ്ഥലം: Composite Hospital, CRPF , Pallipuram, GC Campus, Pallipuram (Kerala)
ശമ്പളം: 85,000 രൂപ.
യോഗ്യത: പ്രസ്തുത വിഭാഗത്തിൽ പിജി ഡിഗ്രി/ ഡിപ്ലോമ. പിജിക്കു ശേഷം പ്രസ്തുത വിഭാഗത്തിൽ ബിരുദക്കാർക്ക് ഒന്നര വർഷത്തെ പ്രവൃത്തിപരിചയവും ഡിപ്ലോമക്കാർക്ക് രണ്ടര വർഷത്തെ പ്രവൃത്തിപരിചയവും ഉണ്ടായിരിക്കണം.
പ്രായം: 67 വയസിൽ താഴെ. ഇന്റർവ്യൂ തീയതി അടിസ്ഥാനമാക്കി പ്രായം കണക്കാക്കും.
അപേക്ഷയ്ക്കൊപ്പം യോഗ്യത തെളിയിക്കുന്നതിനുള്ള സർട്ടിഫിക്കറ്റുകളുടെ ഒറിജിനലും പകർപ്പുകളും അഞ്ച് പാസ്പോർട്ട് സൈസ് ഫോട്ടോകളും ഹാജരാക്കണം. മെഡിക്കൽ പരിശോധനയും ഉണ്ടായിരിക്കും.
വിശദവിവരങ്ങൾക്ക്: www.crpf.gov.in