പ്ലാന്റ് പ്രൊട്ടക്ഷൻ ഡയറക്ടറേറ്റിൽ 186 ടെക്നിക്കൽ ഒാഫിസർ, ശമ്പളം:37,000–53, 000 രൂപ
Mail This Article
ഗവൺമെന്റ് ഒാഫ് ഇന്ത്യയുടെ കീഴിലുള്ള ഫരീദാബാദിലെ പ്ലാന്റ് പ്രൊട്ടക്ഷൻ ക്വാറന്റീൻ ആൻഡ് സ്റ്റോറേജ് ഡയറക്ടറേറ്റിൽ സീനിയർ ടെക്നിക്കൽ ഒാഫിസർ, ടെക്നിക്കൽ ഒാഫിസർ ഒഴിവുകളിലേക്ക് അപേക്ഷ ക്ഷണിച്ചു. 186 ഒഴിവുകളുണ്ട്. കരാർ നിയമനമാണ്. ഏപ്രിൽ ഒന്ന്, രണ്ട്, നാല്, അഞ്ച് തീയതികളിൽ ചെന്നൈ, കൊൽക്കത്ത, മുംബൈ, ഗുവാഹത്തി, ഹരിയാന എന്നിവിടങ്ങളിൽ ഇന്റർവ്യൂ നടത്തും.
എന്റമോളജി, പ്ലാന്റ് പതോളജി, വീഡ് സയൻസ്, ടോക്സിക്കോളജി, കെമിസ്ട്രി എന്നീ വിഭാഗങ്ങളിലാണ് ഒഴിവ്.
തസ്തിക, യോഗ്യത, പ്രായം, ശമ്പളം എന്നിവ ചുവടെ.
സീനിയർ ടെക്നിക്കൽ ഒാഫിസർ (41 ഒഴിവ്): ബന്ധപ്പെട്ട വിഭാഗത്തിൽ ഡോക്ടറേറ്റ് ബിരുദം, പുരുഷൻമാർ- 40 വയസ്, സ്ത്രീകൾ/ട്രാൻസ്ജെൻഡർ- 45 വയസ്, 53000 രൂപ.
ടെക്നിക്കൽ ഒാഫിസർ (145 ഒഴിവ്): ബന്ധപ്പെട്ട വിഭാഗത്തിൽ പിജി, പുരുഷൻമാർ- 35 വയസ്, സ്ത്രീകൾ/ട്രാൻസ്ജെൻഡർ- 40 വയസ്, 37000 രൂപ.
അർഹരായവർക്ക് ഉയർന്ന പ്രായപരിധിയിൽ ചട്ടപ്രകാരം ഇളവ് ലഭിക്കും.
വിശദവിവരങ്ങൾക്ക്: www.ppqs.gov.in