sections
MORE

SAIL: 202 മാനേജ്മെന്റ് ട്രെയിനി, ശമ്പളം: 24,900-50,500 രൂപ

sail
SHARE

142 മാനേജ്മെന്റ് ട്രെയിനി( ഗേറ്റ്-2019 വഴി തിരഞ്ഞെടുപ്പ്)

സ്റ്റീൽ അതോറിറ്റി ഒാഫ് ഇന്ത്യ ലിമിറ്റഡിൽ വിവിധ എൻജിനീയറിങ് വിഭാഗങ്ങളിലായി മാനേജ്മെന്റ് ട്രെയിനി (ടെക്നിക്കൽ) ഇ-1 ഗ്രേഡ് തസ്തികയിൽ 142 ഒഴിവുകളുണ്ട്. ഗേറ്റ്-2019 വഴിയാണ് തിരഞ്ഞെടുപ്പ്. ഒരു വർഷമാണ് പരിശീലനം. ജൂൺ 14വരെ ഒാൺലൈനായി അപേക്ഷിക്കാം.

യോഗ്യത: മെക്കാനിക്കൽ, മെറ്റലർജി, ഇലക്‌ട്രിക്കൽ, കെമിക്കൽ, ഇൻസ്ട്രുമെന്റേഷൻ, മൈനിങ് എന്നീ വിഭാഗത്തിൽ കുറഞ്ഞത് 65% മാർക്കോടെ (എല്ലാ സെമസ്റ്ററുകളിലും ശരാശരി) ഫുൾടൈം എൻജിനീയറിങ് ബിരുദം. പട്ടികവിഭാഗം, ഭിന്നശേഷിക്കാർ, ഡിപ്പാർട്ട്മെന്റൽ ഉദ്യോഗാർഥികൾ എന്നിവർക്ക് 55% മാർക്ക് മതി. ശാരീരിക യോഗ്യതകൾ സംബന്ധിച്ച വിവരങ്ങൾക്ക് വെബ്സൈറ്റ് കാണുക.

പ്രായപരിധി (2019 ജൂൺ 14 ന്): 28 വയസ്. 1991 ജൂൺ 14 ന് മുൻപ് ജനിച്ചവരാകരുത്. സംവരണവിഭാഗക്കാർക്ക് പ്രായപരിധിയിൽ ചട്ടപ്രകാരം ഇളവു ലഭിക്കും. 

സ്റ്റൈപ്പൻഡ്: 20600 രൂപ. വിജയകരമായി പരിശീലനം പൂർത്തിയാക്കിയാൽ 24900-50500 രൂപ നിരക്കിൽ ജൂനിയർ മാനേജർ തസ്തികയിൽ നിയമിക്കും.

അപേക്ഷാഫീസ്: 700 രൂപ. പട്ടികവിഭാഗം, ഭിന്നശേഷിക്കാർ, സാമ്പത്തികമായി പിന്നാക്കം നിൽക്കുന്നവർ, ഡിപ്പാർട്ട്മെന്റൽ ഉദ്യോഗാർഥികൾ എന്നിവർക്ക് 100 രൂപ.

അപേക്ഷ അയയ്‌ക്കുന്നതിനും മറ്റു വിശദവിവരങ്ങൾക്കും: www.sail.co.in എന്ന വെബ്സൈറ്റ് കാണുക.

60 മാനേജ്മെന്റ് ട്രെയിനി

സ്റ്റീൽ അതോറിറ്റി ഒാഫ് ഇന്ത്യ ലിമിറ്റഡ് എച്ച്ആർ, മാർക്കറ്റിങ്, മെറ്റീരിയൽസ് മാനേജ്മെന്റ് വിഭാഗങ്ങളിലായി മാനേജ്മെന്റ് ട്രെയിനി (അഡ്മിനിസ്ട്രേഷൻ) ഇ-1 ഗ്രേഡ് തസ്തികയിൽ 60 ഒഴിവുകളുണ്ട്. ഒരു വർഷമാണ് പരിശീലനം. ജൂൺ 18 വരെ ഒാൺലൈനായി അപേക്ഷിക്കാം.

യോഗ്യത: 60% മാർക്കോടെ (എല്ലാ വർഷവും ശരാശരി) ബിരുദം, 60% മാർക്കോടെ ദ്വിവൽസര എംബിഎ/പിജി ഡിപ്ലോമ ഇൻ മാനേജ്മെന്റ് (ഹ്യൂമൻ റിസോഴ്സസ്/പഴ്സനൽ മാനേജ്മെന്റ് ആൻഡ് ഇൻഡസ്ട്രിയൽ റിലേഷൻ/പഴ്സനൽ മാനേജ്മെന്റ്/മാസ്റ്റേഴ്സ് ഇൻ ഹ്യൂമൻ റിസോഴ്സസ് ആൻഡ് ഒാർഗനൈസേഷനൽ ഡവലപ്മെന്റ്/മാർക്കറ്റിങ്/പ്രൊഡക്ഷൻ/ഒാപ്പറേഷൻസ്/മെറ്റീരിയൽസ്/ലോജിസ്റ്റിക്സ്/സപ്ലൈ ചെയിൻ മാനേജ്മെന്റ്)

പട്ടികവിഭാഗം, ഭിന്നശേഷിക്കാർ, ഡിപ്പാർട്ട്മെന്റൽ ഉദ്യോഗാർഥികൾ എന്നിവർക്ക് 50% മാർക്ക് മതി.

ശാരീരിക യോഗ്യതകൾ സംബന്ധിച്ച വിവരങ്ങൾക്ക് വെബ്സൈറ്റ് കാണുക.

പ്രായപരിധി (2019 ജൂൺ 14 ന്): 28 വയസ്. 1991 ജൂൺ 14 ന് മുൻപ് ജനിച്ചവരാകരുത്. സംവരണവിഭാഗക്കാർക്ക് പ്രായപരിധിയിൽ ചട്ടപ്രകാരം ഇളവു ലഭിക്കും. 

സ്റ്റൈപ്പൻഡ്: 20600 രൂപ. വിജയകരമായി പരിശീലനം പൂർത്തിയാക്കിയാൽ 24900-50500 രൂപ നിരക്കിൽ ജൂനിയർ മാനേജർ തസ്തികയിൽ നിയമിക്കും.

അപേക്ഷാഫീസ്: 700 രൂപ. പട്ടികവിഭാഗം, ഭിന്നശേഷിക്കാർ, സാമ്പത്തികമായി പിന്നാക്കം നിൽക്കുന്നവർ, ഡിപ്പാർട്ട്മെന്റൽ ഉദ്യോഗാർഥികൾ എന്നിവർക്ക് 100 രൂപ.

വിശദവിവരങ്ങൾക്ക്: www.sail.co.in 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN JOBS & CAREER
SHOW MORE
FROM ONMANORAMA