എൻസിസിക്കാർക്ക് കരസേനയിൽ സ്പെഷൽ എൻട്രി
Mail This Article
എൻസിസിക്കാർക്ക് കരസേനയിൽ ഒക്ടോബറിൽ തുടങ്ങുന്ന എൻസിസി സ്പെഷൽ എൻട്രി (നോൺ ടെക്നിക്കൽ) സ്കീമിലേക്ക് അപേക്ഷിക്കാം. ഷോർട്ട് സർവീസ് കമ്മിഷനാണ്. പുരുഷന്മാർക്ക് 50 ഒഴിവ്; സ്ത്രീകൾക്ക് 5. അവിവാഹിതരായിരിക്കണം. യുദ്ധത്തിൽ കൊല്ലപ്പെട്ടവരുടെ ആശ്രിതർക്കും അപേക്ഷിക്കാം.
അപേക്ഷ: ഫെബ്രുവരി 6 വരെ
www.joinindianarmy.nic.in
പ്രായം: 19 –25 (ജനനം 1995 ജൂലൈ രണ്ട്– 2001 ജൂലൈ ഒന്ന് കാലയളവിൽ)
യോഗ്യത: 50 % മാർക്കോടെ ബിരുദം; എൻസിസി സീനിയർ ഡിവിഷൻ/ വിങ്ങിൽ 3 അധ്യയന വർഷം പ്രവർത്തനം; എൻസിസി ‘സി’ സർട്ടിഫിക്കറ്റ് പരീക്ഷയിൽ കുറഞ്ഞത് ബി ഗ്രേഡ്.
യുദ്ധത്തിൽ പരുക്കേറ്റവരുടെ / കൊല്ലപ്പെട്ടവരുടെ / കാണാതായവരുടെ ആശ്രിതർക്കു സി സർട്ടിഫിക്കറ്റ് നിബന്ധനയില്ല. വ്യവസ്ഥകൾക്കു വിധേയമായി അവസാനവർഷ ബിരുദ വിദ്യാർഥികൾക്കും അപേക്ഷിക്കാം.
ശാരീരിക യോഗ്യതാ വിവരങ്ങൾ കരസേനാ വെബ്സൈറ്റിൽ.
തിരഞ്ഞെടുപ്പ്: അഞ്ചു ദിവസത്തെ എസ്എസ്ബി ഇന്റർവ്യൂവിന്റെയും ശാരീരികക്ഷമതാ പരിശോധനയുടെയും വൈദ്യപരിശോധനയുടെയും അടിസ്ഥാനത്തിൽ.