ദക്ഷിണ റെയിൽവേയിൽ 197 ഒഴിവ്,ശമ്പളം: 18,000–44,900 രൂപ

ദക്ഷിണ റെയിൽവേ ചെന്നൈ ഹെഡ്ക്വാർട്ടേഴ്സിൽ പാരാമെഡിക്കൽ തസ്തികകളിലായി 197 ഒഴിവുകൾ. മൂന്നു മാസത്തെ കരാർ നിയമനമാണ്. കോവിഡ് - 19 പ്രതിരോധ പ്രവർത്തനങ്ങളുടെ ഭാഗമായി പ്രത്യേക ആശുപത്രിയാക്കി മാറ്റിയിട്ടുള്ള പെരമ്പൂർ ഹെഡ്ക്വാർട്ടേഴ്സ് റെയിൽവേ ഹോസ്പിറ്റലിലാണ് ഒഴിവ്. ഏപ്രിൽ 22 വരെ ഒാൺലൈനായി അപേക്ഷിക്കാം.

യോഗ്യത, പ്രായം, ശമ്പളം എന്നിവ ചുവടെ.

നഴ്സിങ് സൂപ്രണ്ട് (110 ഒഴിവ്): നഴ്സ് ആൻഡ് മിഡ്‌വൈഫ് റജിസ്ട്രേഷൻ സർട്ടിഫിക്കറ്റ്. ജനറൽ നഴ്സിങ് ആൻഡ് മിഡ്‌വൈഫറിയിൽ ത്രിവൽസര കോഴ്സ് ജയം അല്ലെങ്കിൽ ബിഎസ്‌‌സി (നഴ്സിങ്). ഐസിയു/ ഡയാലിസിസ് യൂണിറ്റ്/ വെന്റിലേറ്റർ പരിചയമുള്ളവർക്ക് മുൻഗണന. 20–40 വയസ്. 44,900 രൂപ.

ഫിസിയോതെറപ്പിസ്‌റ്റ് (3 ഒഴിവ്): ഫിസിയോതെറപ്പിയിൽ ബിരുദം, രണ്ടു വർഷത്തെ പ്രായോഗിക പരിചയം, 18–33 വയസ്. 35,400 രൂപ.

ഡയറ്റീഷ്യൻ (2 ഒഴിവ്): ബിഎസ്‌സി (സയൻസ്), ഡയറ്ററ്റിക്‌സിൽ ഒരു വർഷത്തെ പിജി ഡിപ്ലോമ, ആശുപത്രിയിൽ മൂന്നു മാസത്തെ ഇന്റേൺഷിപ്പ് പരിശീലനം. അല്ലെങ്കിൽ ബിഎസ്‌സി ഹോംസയൻസ്, എംഎസ്‌സി ഹോംസയൻസ് (ഫുഡ് ആൻഡ് ന്യൂട്രീഷ്യൻ), 18–33 വയസ്. 44,900 രൂപ.

ഹീമോഡയാലിസിസ് ടെക്നീഷ്യൻ (4 ഒഴിവ്): ബിഎസ്‌സിയും ഹീമോഡയാലിസിസ് ഡിപ്ലോമ/ രണ്ടു വർഷം പ്രവൃത്തിപരിചയവും, 20–33 വയസ്. 35,400 രൂപ.

സ്കിൽഡ് ഇലക്ട്രോണിക് ടെക്നീഷ്യൻ (2 ഒഴിവ്): സയൻസ് ബിരുദം, ഇലക്ട്രോണിക്/ ബയോമെഡിക്കൽ എൻജിനീയറിങ് ഡിപ്ലോമ, 18–33 വയസ്. 29,200 രൂപ.

ഹോസ്പിറ്റൽ അറ്റൻഡന്റ്/ ഹൗസ്കീപ്പിങ് അസിസ്റ്റന്റ്- മെഡിക്കൽ (68 ഒഴിവ്): പത്താം ക്ലാസ് ജയം. ഐസിയു/ ഡയാലിസിസ് യൂണിറ്റ് പരിചയമുള്ളവർക്ക് മുൻഗണന. 18-30 വയസ്. 18,000 രൂപ.

ലാബ് അസിസ്റ്റന്റ് ഗ്രേഡ് II (4 ഒഴിവ്): പ്ലസ്ടു സയൻസ്. മെഡിക്കൽ ലബോറട്ടറി ടെക്നോളജി ഡിപ്ലോമ അല്ലെങ്കിൽ മെഡിക്കൽ ലാബ് ടെക്നോളജി സർട്ടിഫിക്കറ്റ് കോഴ്സും മെഡിക്കൽ ലാബ് ടെക്നോളജി ഡിപ്ലോമയും (കുറഞ്ഞത് ഒരു വർഷത്തെ കോഴ്സ്), 18–33 വയസ്. 21,700 രൂപ.

റേഡിയോഗ്രഫർ (4 ഒഴിവ്): ഫിസിക്സ്, കെമിസ്ട്രി പഠിച്ച് പ്ലസ്ടു, റേഡിയോഗ്രഫി/ എക്സ്റേ ടെക്നീഷ്യൻ/ റേഡിയോഡയഗ്നോസിസ് ടെക്നോളജിയിൽ ദ്വിവൽസര ഡിപ്ലോമ. റേഡിയോഗ്രഫി/ എക്സ്റേ ടെക്നീഷ്യൻ/ റേഡിയോഡയഗ്നോസിസ് ടെക്നോളജിയിൽ ദ്വിവൽസര ഡിപ്ലോമയുള്ള സയൻസ് ബിരുദക്കാർക്കു മുൻഗണന. 19–33 വയസ്. 29,200 രൂപ.

www.sr.indianrailways.gov.in