ബോർഡർ റോഡ്സ്: 459 ഒഴിവ്, ശമ്പളം: 18,000-81,100
Mail This Article
ബോർഡർ റോഡ്സ് ഓർഗനൈസേഷനു (BRO) കീഴിലെ ജനറൽ റിസർവ് എൻജിനീയർ ഫോഴ്സിൽ 7 തസ്തികയിലായി 459 ഒഴിവ്. പുരുഷൻമാർക്കാണ് അവസരം. മാർച്ച് 4ന് അകം അപേക്ഷിക്കണം.
ഡ്രാഫ്റ്റ്സ്മാൻ: സയൻസ് വിഷയത്തിൽ പ്ലസ് ടു, ആർകിടെക്ചർ/ഡ്രാഫ്റ്റ്സ്മാൻഷിപ്പിൽ ദ്വിവൽസര സർട്ടിഫിക്കറ്റ്/തത്തുല്യം. അല്ലെങ്കിൽ ഡ്രാഫ്റ്റ്സ്മാൻ (സിവിൽ) ട്രേഡിൽ ദ്വിവത്സര നാഷനൽ ട്രേഡ് സർട്ടിഫിക്കറ്റും ഒരു വർഷത്തെ പ്രവൃത്തിപരിചയവും. ശമ്പളം: 29200–92300.
സൂപ്പർവൈസർ സ്റ്റോർസ്: ബിരുദം/തത്തുല്യം, മെറ്റീരിയൽ മാനേജ്മെന്റ്/ഇൻവെന്ററി കൺട്രോൾ/ സ്റ്റോർസ് കീപ്പിങ്ങിൽ അംഗീകൃത സർട്ടിഫിക്കറ്റ്. അല്ലെങ്കിൽ കേന്ദ്ര/സംസ്ഥാന സർക്കാർ എൻജിനീയറിങ് സ്റ്റോറുകളിൽ രണ്ടു വർഷത്തെ പരിചയം. അല്ലെങ്കിൽ സ്റ്റോർമാൻ ടെക്നിക്കൽ ക്ലാസ് 1 കോഴ്സ് (ഡിഫൻസ് സർവീസ് റഗുലേഷൻസ്). ശമ്പളം: 18000-81100.
റേഡിയോ മെക്കാനിക്: പത്താം ക്ലാസ്/തത്തുല്യം, റേഡിയോ മെക്കാനിക് ഐടിഐ സർട്ടിഫിക്കറ്റും രണ്ടു വർഷത്തെ പരിചയവും. അല്ലെങ്കിൽ ആർമി ഇൻസ്റ്റിറ്റ്യൂട്ടിൽനിന്നോ പ്രതിരോധ സ്ഥാപനങ്ങളിൽനിന്നോ നേടിയ ഡിഫൻസ് ട്രേഡ് സർട്ടിഫിക്കറ്റും റേഡിയോ ടെക്നോളജിയിൽ രണ്ടു വർഷത്തെ പരിചയവും. അല്ലെങ്കിൽ വയർലെസ് ഓപ്പറേറ്റർ ആൻഡ് കീ ബോർഡ് ക്ലാസ് 1 കോഴ്സ് ജയം (ഡിഫൻസ് സർവീസ് റഗുലേഷൻസ്). ശമ്പളം: 25500-81100.
ലബോറട്ടറി അസിസ്റ്റന്റ്: പ്ലസ് ടു/തത്തുല്യം, ലബോറട്ടറി അസിസ്റ്റന്റ് ഐടിഐ/അംഗീകൃത ഇൻസ്റ്റിറ്റ്യൂട്ട് സർട്ടിഫിക്കറ്റ്. അല്ലെങ്കിൽ ആർമി ഇൻസ്റ്റിറ്റ്യൂട്ടിൽനിന്നോ പ്രതിരോധ സ്ഥാപനങ്ങളിൽനിന്നോ നേടിയ ഡിഫൻസ് ട്രേഡ് സർട്ടിഫിക്കറ്റും ആർമി ആശുപത്രിയിൽ ഒരു വർഷത്തെ ലബോറട്ടറി അസിസ്റ്റന്റ് പരിചയവും. അല്ലെങ്കിൽ ലബോറട്ടറി അസിസ്റ്റന്റ് ക്ലാസ് 1 കോഴ്സ് ജയം (ഡിഫൻസ് സർവീസ് റഗുലേഷൻസ്). ശമ്പളം: 21700–69100.
മൾട്ടി സ്കിൽഡ് വർക്കർ (മേസൻ): പത്താം ക്ലാസ്/തത്തുല്യം, ബിൽഡിങ് കൺസ്ട്രക്ഷൻ/ബ്രിക്സ് മേസൻ ഐടിഐ/ഐടിസി/എൻസിടിവിടി/എസ്സിവിടി സർട്ടിഫിക്കറ്റ്. അല്ലെങ്കിൽ മേസൻ ക്ലാസ്–2 സർട്ടിഫിക്കറ്റ് ജയം (ഡിഫൻസ് സർവീസ് റഗുലേഷൻസ്). ബിആർഒ സംഘടിപ്പിക്കുന്ന ഫിസിക്കൽ, പ്രൊഫിഷ്യൻസി ടെസ്റ്റ് പാസാകണം. നിർദിഷ്ട ശാരീരികയോഗ്യതയുള്ളവരാകണം. ശമ്പളം: 18000–56900.
മൾട്ടി സ്കിൽഡ് വർക്കർ (ഡ്രൈവർ എൻജിൻ സ്റ്റാറ്റിക്): പത്താം ക്ലാസ്/തത്തുല്യം, മെക്കാനിക് മോട്ടോർ/വെഹിക്കിൾസ്/ട്രാക്ടർ സർട്ടിഫിക്കറ്റ് (ഐടിഐ/ഐടിസി/എൻസിടിവിടി/എസ്സിവിടി). അല്ലെങ്കിൽ ഡ്രൈവർ പ്ലാന്റ് ആൻഡ് മെക്കാനിക്കൽ ട്രാൻസ്പോർട് ക്ലാസ് 2 കോഴ്സ് ജയം, ബിആർഒ സംഘടിപ്പിക്കുന്ന പ്രൊഫിഷ്യൻസി, ഫിസിക്കൽ ടെസ്റ്റ് ജയം, നിർദിഷ്ട ശാരീരിക യോഗ്യതയുണ്ടാകണം. ശമ്പളം: 18000–56900.
സ്റ്റോർ കീപ്പർ ടെക്നിക്കൽ: പ്ലസ് ടു/തത്തുല്യം, വാഹനങ്ങൾ/എൻജിനീയറിങ് ഉപകരണങ്ങൾ എന്നിവയുമായി ബന്ധപ്പെട്ടു സ്റ്റോർ കീപ്പിങ്ങിൽ അറിവ്. മൂന്നു വർഷം പ്രവൃത്തിപരിചയമുള്ളവർക്കും സ്റ്റോർമാൻ ടെക്നിക്കൽ ക്ലാസ് 2 കോഴ്സ് ജയിച്ചവർക്കും (ഡിഫൻസ് സർവീസ് റഗുലേഷൻസ്) മുൻഗണന.
പ്രായം: 18–27. മൾട്ടി സ്കിൽഡ് തസ്തികകളിൽ 18–25. അർഹർക്ക് ഇളവുണ്ട്.
കായികക്ഷമതാ പരിശോധന, എഴുത്തുപരീക്ഷ, ട്രേഡ് ടെസ്റ്റ്, വൈദ്യപരിശോധന എന്നിവയുടെ അടിസ്ഥാനത്തിലാണു തിരഞ്ഞെടുപ്പ്.
ഫീസ്: 50 രൂപ. ഓൺലൈനായി അടയ്ക്കാം. എസ്സി/എസ്ടി/അംഗപരിമിതർക്കു ഫീസില്ല.
അപേക്ഷിക്കേണ്ട വിധം: അപേക്ഷാ ഫോം വെബ്സൈറ്റിൽ ലഭ്യമാണ്. അപേക്ഷ പൂരിപ്പിച്ച് യോഗ്യത തെളിയിക്കുന്ന സർട്ടിഫിക്കറ്റുകളുടെ സ്വയം/ഗസറ്റഡ് ഓഫിസർ സാക്ഷ്യപ്പെടുത്തിയ പകർപ്പ് സഹിതം അയയ്ക്കണം. www.bro.gov.in
English Summary: Border Roads Organisation Recruitment