മിൽമയിൽ 99 ഒഴിവ്, ശമ്പളം: 16,500-46,990 രൂപ

മലബാർ റീജനൽ കോഒാപ്പറേറ്റീവ് മിൽക്ക് പ്രൊഡ്യൂസേഴ്സ് യൂണിയൻ ലിമിറ്റഡിൽ 99 സ്ഥിര നിയമന അവസരം. മാർച്ച് 25 വരെ ഒാൺലൈനായി അപേക്ഷിക്കാം.

ജൂനിയർ അസിസ്റ്റന്റ് (29): ഒന്നാം ക്ലാസോടെ അംഗീകൃത റഗുലർ ബികോമും സമാന മേഖലയിൽ 2 വർഷ പരിചയവും. APCOS സ്ഥിര ജീവനക്കാർക്കു 3 വർഷ പരിചയം വേണം. ശമ്പളം: 20,180-46,990.

ടെക്നീഷ്യൻ ഗ്രേഡ് II ഇലക്ട്രീഷ്യൻ (6)/ഇലക്ട്രോണിക്സ് (3)/എംആർഎസി (6): ബന്ധപ്പെട്ട ട്രേഡിൽ ഐടിഐ എൻസിവിടി സർട്ടിഫിക്കറ്റ്, ഒരു വർഷത്തെ അപ്രന്റിസ്ഷിപ് സർട്ടിഫിക്കറ്റ്, 2വർഷ പരിചയം. ഇലക്ട്രീഷ്യൻ തസ്തികയിൽ അപേക്ഷിക്കുന്നവർക്കു വയർമാൻ ലൈസൻസ് ഉണ്ടായിരിക്കണം. ശമ്പളം: 20,180-46,990. 

പ്ലാന്റ് അസിസ്റ്റന്റ് ഗ്രേഡ് III (55): എസ്എസ്എൽസി ജയം/തത്തുല്യം (ബിരുദം പാടില്ല). ശമ്പളം: 16,500-38,650.

യോഗ്യത സംബന്ധിച്ച കൂടുതൽ വിവരങ്ങൾ സൈറ്റിൽ. പ്രായം: 18-40. അർഹരായവർക്ക് ഇളവുണ്ട്. ഫീസ്: 500 രൂപ. പട്ടികവിഭാഗം/APCOS സ്ഥിര ജീവനക്കാർക്ക് 250 രൂപ. ഒാൺലൈനായി ഫീസടയ്ക്കണം.  തിരഞ്ഞെടുപ്പ്: എഴുത്തുപരീക്ഷ, സ്കിൽ ടെസ്റ്റ് മുഖേന. www.milma.com 

English Summary: Recruitment In MILMA