വിക്രം സാരാഭായ് സ്പേസ് സെന്ററിൽ 34 ഒഴിവ്

തിരുവനന്തപുരത്തെ വിക്രം സാരാഭായ് സ്പേസ് സെന്ററിൽ വിവിധ തസ്തികകളിൽ 34 ഒഴിവ്. വ്യത്യസ്ത വിജ്ഞാപനം.

19 ഫെലോ/അസോഷ്യേറ്റ്

ഫെലോ/അസോഷ്യേറ്റ് തസ്തികയിലെ 19 ഒഴിവിൽ മാർച്ച് 26 മുതൽ ഏപ്രിൽ 9 വരെ ഒാൺലൈനായി അപേക്ഷിക്കാം. തസ്തികയും യോഗ്യതയും: 

ജൂനിയർ റിസർച് ഫെലോ (16 ഒഴിവ്): എംഇ/എംടെക്/എംഎസ്‌സി. 

റിസർച് അസോഷ്യേറ്റ് (2): കെമിസ്ട്രി/മെക്കാനിക്കൽ എൻജിനീയറിങ് പിഎച്ച്ഡി. 

സീനിയർ പ്രോജക്ട് അസോഷ്യേറ്റ് (1): ഫിസിക്സ്/അറ്റ്മോസ്ഫെറിക് സയൻസ് പിഎച്ച്ഡിയും ക്ലൈമറ്റ്/അറ്റ്മോസ്ഫെറിക് മോഡലിങ് പരിചയവും അല്ലെങ്കിൽ ഫിസിക്സ്/അറ്റ്മോസ്ഫെറിക് സയൻസ് എംഎസ്‌സിയും ക്ലൈമറ്റ്/അറ്റ്മോസ്ഫെറിക് മോഡലിങ്ങിൽ 4 വർഷം റിസർച് പരിചയവും.

13 ഫാർമസിസ്റ്റ്, ഫയർമാൻ, ലാബ് ടെക്നീഷ്യൻ 

ഫാർമസിസ്റ്റ്, ലാബ് ടെക്നീഷ്യൻ, ഫയർമാൻ തസ്തികകളിൽ 13 ഒഴിവ്. ഏപ്രിൽ 5 വരെ ഒാൺലൈനായി അപേക്ഷിക്കാം. 

ഫാർമസിസ്റ്റ് എ (3 ഒഴിവ്): എസ്എസ്എൽസി/എസ്എസ്‌സി ജയം, ഫാർമസിയിൽ ഒന്നാം ക്ലാസ് ഡിപ്ലോമ.

ലാബ് ടെക്നീഷ്യൻ എ (2): എസ്എസ്എൽസി/എസ്എസ്‌സി ജയം, മെഡിക്കൽ ലബോറട്ടറി ടെക്നോളജിയിൽ ഒന്നാം ക്ലാസ് ഡിപ്ലോമ.

ഫയർമാൻ എ (8): എസ്എസ്എൽസി/എസ്എസ്‌സി ജയം, നിശ്ചിത ശാരീരിക യോഗ്യത.

2 നഴ്സ്/സൂപ്പർവൈസർ

നഴ്സ് ബി, കേറ്ററിങ് സൂപ്പർവൈസർ തസ്തികകളിൽ ഒാരോ ഒഴിവ്. മാർച്ച് 24 മുതൽ ഏപ്രിൽ 7 വരെ ഒാൺലൈനായി അപേക്ഷിക്കാം.

നഴ്സ് ബി: ജനറൽ നഴ്സിങ് ആൻഡ് മിഡ്‌വൈഫറിയിൽ ഒന്നാം ക്ലാസ് ഡിപ്ലോമ.

കേറ്ററിങ് സൂപ്പർവൈസർ: ഹോട്ടൽ മാനേജ്മെന്റ്/ഹോട്ടൽ മാനേജ്മെന്റ് ആൻഡ് കേറ്ററിങ് ടെക്നോളജി/ഹോസ്പിറ്റാലിറ്റി ആൻഡ് ഹോട്ടൽ‌ അഡ്മിനിസ്ട്രേഷൻ/കേറ്ററിങ് സയൻസ് ആൻഡ് ഹോട്ടൽ മാനേജ്മെന്റിൽ ബിരുദം, 1 വർഷ പരിചയം അല്ലെങ്കിൽ കേറ്ററിങ്ങിൽ ഡിപ്ലോമ, 3 വർഷ പരിചയം അല്ലെങ്കിൽ ഹോട്ടൽ മാനേജ്മെന്റിൽ പിജി ഡിപ്ലോമ, 2 വർഷ പരിചയം. വിവരങ്ങൾ www.vssc.gov.in ൽ പ്രസിദ്ധീകരിക്കും.  

English Summary: Recruitment In Vikram Sarabhai Space Centre