കോസ്‌റ്റ് ഗാർഡിൽ 350 നാവിക്/യാന്ത്രിക്, ശമ്പളം: 21,700 രൂപ
Mail This Article
തീരസംരക്ഷണ സേനയിൽ (ഇന്ത്യൻ കോസ്‌റ്റ് ഗാർഡ്) നാവിക് (ജനറൽ ഡ്യൂട്ടി, ഡൊമസ്റ്റിക് ബ്രാഞ്ച്) യാന്ത്രിക് തസ്തികകളിൽ 350 ഒഴിവ്.
മെക്കാനിക്കൽ/ഇലക്‌ട്രിക്കൽ/ഇലക്‌ട്രോണിക്സ് ആൻഡ് ടെലികമ്യൂണിക്കേഷൻ (റേഡിയോ/പവർ) വിഭാഗങ്ങളിലാണ് ഒഴിവുകൾ. അവസരം പുരുഷൻമാർക്കു മാത്രം. ജൂലൈ 16വരെ ഓൺലൈനായി അപേക്ഷിക്കാം
തസ്തിക, യോഗ്യത, ശമ്പളം:
നാവിക് (ജനറൽ ഡ്യൂട്ടി): പ്ലസ് ടു, (മാത്‌സ്, ഫിസിക്സ് പഠിച്ച്), 21,700 രൂപയും മറ്റ് ആനുകൂല്യങ്ങളും
നാവിക് (ഡൊമസ്റ്റിക് ബ്രാഞ്ച്): പത്താം ക്ലാസ്, 21,700 രൂപയും മറ്റ് ആനുകൂല്യങ്ങളും
യാന്ത്രിക്: ഡിപ്ലോമ (മെക്കാനിക്കൽ/ഇലക്‌ട്രിക്കൽ/ഇലക്‌ട്രോണിക്സ് ആൻഡ് ടെലികമ്യൂണിക്കേഷൻ, റേഡിയോ/പവർ), 29,200 രൂപയും മറ്റ് ആനുകൂല്യങ്ങളും.
ശാരീരികയോഗ്യത: ഉയരം കുറഞ്ഞത് 157 സെ.മീ., നെഞ്ചളവ് ആനുപാതികം, കുറഞ്ഞത് അഞ്ചു സെ.മീ. വികാസം വേണം. തൂക്കം ഉയരത്തിനും പ്രായത്തിനും ആനുപാതികം.
പ്രായം: 18–22. അർഹരായവർക്ക് ഇളവുണ്ട്.
തിരഞ്ഞെടുപ്പ്: എഴുത്തുപരീക്ഷയുടെയും ശാരീരിക യോഗ്യതയുടെയും അടിസ്ഥാനത്തിൽ.
ഫീസ്: 250 രൂപ. ഓൺലൈനായി അടയ്ക്കാം (പട്ടികവിഭാഗക്കാർക്കു ഫീസില്ല)
https://joinindiancoastguard.cdac.in
English Summary: Coast Guard Navik Recruitment
