വെല്ലൂരിൽ 70% പിജി സീറ്റ് ക്രിസ്ത്യൻ ന്യൂനപക്ഷ പട്ടികയിൽനിന്ന്; ഉത്തരവ് ഇക്കൊല്ലത്തേക്കു മാത്രം ബാധകം

ന്യൂഡൽഹി∙ വെല്ലൂർ ക്രിസ്ത്യൻ മെഡിക്കൽ കോളജിൽ ഇക്കൊല്ലത്തെ 70% പിജി സീറ്റുകളിലേക്കുമുള്ള പ്രവേശനം തമിഴ്നാട് സർക്കാരിന്റെ ക്രിസ്ത്യൻ ന്യൂനപക്ഷ പട്ടികയിൽനിന്ന് നീറ്റ്–പിജി ഫലം അടിസ്ഥാനമാക്കി ആയിരിക്കണമെന്ന് സുപ്രീം കോടതി. ബാക്കി 30% സീറ്റുകൾ നിലവിലെ രീതിയിൽ മാനേജ്മെന്റിന് പ്രവേശനം നടത്താം. ജസ്റ്റിസ് എൽ. നാഗേശ്വര റാവു അധ്യക്ഷനായ ബെഞ്ചാണ് ഇടക്കാല ഉത്തരവിട്ടത്. ഉത്തരവ് ഇക്കൊല്ലത്തേക്കു മാത്രമാണ് ബാധകം. 

Content Summary : 70% PG admissions in CMC Vellore be made from Christian minority students list prepared by TN: SC