ശമ്പളം 29,100 മുതൽ 54,500 വരെ; ഫെർട്ടിലൈസേഴ്സ് ആൻഡ് കെമിക്കൽസ് ട്രാവൻകൂർ ലിമിറ്റഡിൽ 137 ഒഴിവുകൾ

ഫെർട്ടിലൈസേഴ്സ് ആൻഡ് കെമിക്കൽസ് ട്രാവൻകൂർ ലിമിറ്റഡിന്റെ വിവിധ പ്രോജക്ട്/ഒാഫിസ്/സബ്സിഡിയറി/ ജോയിന്റ് വെൻച്വർ കമ്പനികളിൽ 137 ഒഴിവ്. നേരിട്ടുള്ള നിയമനം. ജൂലൈ 29 വരെ ഒാൺലൈനായി അപേക്ഷിക്കാം. 

 തസ്തികയും യോഗ്യതയും: 

∙സീനിയർ മാനേജർ (മെറ്റീരിയൽസ്): എൻജിനീയറിങ് ബിരുദം/ഏതെങ്കിലും പിജി ബിരുദം/മാനേജ്മെന്റിൽ പിജി ഡിപ്ലോമ, 9 വർഷ പരിചയം.

∙സീനിയർ മാനേജർ (എച്ച്ആർ ആൻഡ് അഡ്മിനിസ്ട്രേഷൻ): എച്ച്ആർ/പഴ്സനേൽ മനേജ്മെന്റ്/ഇൻഡസ്ട്രിയൽ റിലേഷൻസ്/ലേബർ വെൽഫെയർ/സോഷ്യൽ വർക്/ബിസിനസ് അഡ്മിനിസ്ട്രേഷനിൽ പിജി ബിരുദം/പിജി ഡിപ്ലോമ (പഴ്സനേൽ/എച്ച്ആർ മാനേജ്മെന്റ് സ്പെഷലൈസേഷനോടെ), 9 വർഷ പരിചയം. 

∙സീനിയർ മാനേജർ (കോർപറേറ്റ് കമ്യൂണിക്കേഷൻസ്): പബ്ലിക് റിലേഷൻസ്/മാസ് കമ്യൂണിക്കേഷൻ/ജേണലിസത്തിൽ പിജി ബിരുദം/പിജി ഡിപ്ലോമ, 9 വർഷ പരിചയം. 

∙സീനിയർ മാനേജർ (എസ്റ്റേറ്റ്): ബിരുദം, പ്രതിരോധ വകുപ്പിൽനിന്നു മേജർ/ലഫ്റ്റനന്റ് കമാൻഡർ/സ്ക്വാഡ്രൻ ലീഡർ/തത്തുല്യം/ഉയർന്ന സ്ഥാനത്തുനിന്നു വിരമിച്ചവർ. 

∙സീനിയർ മാനേജർ (ക്വാളിറ്റി അഷ്വറൻസ്, റിസർച് ആൻഡ് ഡവലപ്മെന്റ്): എംഎസ്‌സി കെമിസ്ട്രി, 9 വർഷ പരിചയം. 

∙ഒാഫിസർ (സെയിൽസ്): 60% മാർക്കോടെ ബിഎസ്‌സി അഗ്രികൾചർ, ഇംഗ്ലിഷിനു പുറമേ കന്നട, മലയാളം, തമിഴ്, തെലുങ്കു ഇവയിൽ ഏതെങ്കിലുമൊരു ഭാഷയിൽ പ്രാവീണ്യം. 

∙ മാനേജ്മെന്റ് ട്രെയിനി (കെമിക്കൽ)‌: കെമിക്കൽ/പെട്രോകെമിക്കൽ എൻജിനീയറിങ്/കെമിക്കൽ ടെക്നോളജി/പെട്രോകെമിക്കൽ ടെക്നോളജി/പെട്രോളിയം റിഫൈനിങ് ആൻഡ് പെട്രോകെമിക്കൽ എൻജിനീയറിങ്/പോളിമെർ ടെക്നോളജിയിൽ 60% മാർക്കോടെ എൻജിനീയറിങ് ബിരുദം. 

∙മാനേജ്മെന്റ് ട്രെയിനി (മെക്കാനിക്കൽ): 60% മാർക്കോടെ മെക്കാനിക്കൽ എൻജിനീയറിങ് ബിരുദം.

∙മാനേജ്മെന്റ് ട്രെയിനി (ഇലക്ട്രിക്കൽ): ഇലക്ട്രിക്കൽ/ഇലക്ട്രിക്കൽ ആൻഡ് ഇലക്ട്രോണിക്സ്/ഇലക്ട്രിക്കൽ ആൻഡ് ഇൻസ്ട്രുമെന്റേഷനിൽ 60% മാർക്കോടെ എൻജിനീയറിങ് ബിരുദം. 

∙മാനേജ്മെന്റ് ട്രെയിനി (ഇൻസ്ട്രുമെന്റേഷൻ): ഇൻസ്ട്രുമെന്റേഷൻ/ഇൻസ്ട്രുമെന്റേഷൻ ആൻഡ് കൺട്രോൾ/ഇലക്ട്രോണിക്സ് ആൻഡ് ഇൻസ്ട്രുമെന്റേഷൻ/ഇലക്ട്രിക്കൽ ആൻഡ് ഇൻസ്ട്രുമെന്റേഷനിൽ 60% മാർക്കോടെ എൻജിനീയറിങ് ബിരുദം.

∙മാനേജ്മെന്റ് ട്രെയിനി (സിവിൽ): 60% മാർക്കോടെ സിവിൽ എൻജിനീയറിങ് ബിരുദം. 

∙മാനേജ്മെന്റ് ട്രെയിനി (ഐടി): കംപ്യൂട്ടർ സയൻസ്/ഐടിയിൽ 60% മാർക്കോടെ എൻജിനീയറിങ് ബിരുദം. 

∙മാനേജ്മെന്റ് ട്രെയിനി (ഫയർ ആൻഡ് സേഫ്റ്റി): 60% മാർക്കോടെ ഫയർ ആൻഡ് സേഫ്റ്റിയിൽ എൻജിനീയറിങ് ബിരുദം. 

∙മാനേജ്മെന്റ് ട്രെയിനി (ഇൻഡസ്ട്രിയൽ എൻജിനീയറിങ്): 60% മാർക്കോടെ ഇൻഡസ്ട്രിയൽ എൻജിനീയറിങ് ബിരുദം. 

∙മാനേജ്മെന്റ് ട്രെയിനി (എച്ച്ആർ): 60% മാർക്കോടെ എച്ച്ആർ/പഴ്സനേൽ മനേജ്മെന്റ്/ഇൻഡസ്ട്രിയൽ റിലേഷൻസ്/ലേബർ വെൽഫെയർ/സോഷ്യൽ വർക്/ബിസിനസ് അഡ്മിനിസ്ട്രേഷനിൽ പിജി/പിജി ഡിപ്ലോമ (പഴ്സനേൽ/എച്ച്ആർ മാനേജ്മെന്റ് സ്പെഷലൈസേഷനോടെ). 

∙മാനേജ്മെന്റ് ട്രെയിനി (മെറ്റീരിയൽസ്): 60% മാർക്കോടെ എൻജിനീയറിങ് ബിരുദം/ഏതെങ്കിലും പിജി ബിരുദം (ബിസിനസ് മാനേജ്മെന്റ് ഉൾപ്പെടെ)/മാനേജ്മെന്റിൽ പിജി ഡിപ്ലോമ. 

∙ടെക്നീഷ്യൻ (പ്രോസസ്): കെമിസ്ട്രി/ഇൻഡസ്ട്രിയൽ കെമിസ്ട്രിയിൽ ബിഎസ്‌സി അല്ലെങ്കിൽ കെമിക്കൽ എൻജിനീയറിങ്/കെമിക്കൽ ടെക്നോളജിയിൽ (പെട്രോകെമിക്കൽ ടെക്നോളജി ഉൾപ്പെടെ) എൻജിനീയറിങ് ഡിപ്ലോമ; 2 വർഷ പരിചയം. 

∙ടെക്നീഷ്യൻ (മെക്കാനിക്കൽ, ഇലക്ട്രിക്കൽ, ഇൻസ്ട്രുമെന്റേഷൻ, സിവിൽ): മെക്കാനിക്കൽ/ഇലക്ട്രിക്കൽ/ഇൻസ്ട്രുമെന്റേഷൻ/സിവിൽ എൻജിനീയറിങ് ഡിപ്ലോമ, 2 വർഷ പരിചയം. പ്രായപരിധിയും ശമ്പളവും: 

∙സീനിയർ മാനേജർ: 45; 29,100-54,500. 

∙ഒാഫിസർ: 26; 12,600-32,500. 

∙മാനേജ്മെന്റ് ട്രെയിനി: 26; 20,600-46,500. 

∙ടെക്നീഷ്യൻ: 35; 9250-32,000.  അർഹർക്കു പ്രായത്തിലും മാർക്കിലും ഇളവുണ്ട്. ഫീസ്: 1180. ടെക്നീഷ്യൻ തസ്തികയിൽ 590. എസ്‌സി/ എസ്ടി, ഭിന്നശേഷിക്കാർ, വിമുക്തഭടൻ, ഫാക്ടിലെ സ്ഥിര ജീവനക്കാർ എന്നിവർക്കു ഫീസില്ല. www.fact.co.in

Content Summary : FACT Recruitment 2022 Manager, Officer, Technician 137 posts