12–ാം ക്ലാസിൽ മികച്ച വിജയം നേടിയവരാണോ?; ആർമി പ്ലസ്‌ടു ടെക്‌നിക്കൽ എൻട്രി സ്‌കീമിൽ അവസരം

ആർമി പ്ലസ്‌ടു ടെക്‌നിക്കൽ എൻട്രി സ്‌കീമിൽ (പെർമനന്റ് കമ്മിഷൻ) 90 ഒഴിവ്. ആൺകുട്ടികൾക്കാണ് അവസരം. അപേക്ഷ സെപ്റ്റംബർ 21 വരെ.  www.joinindianarmy.nic.in

∙ യോഗ്യത: ഫിസിക്‌സ്, കെമിസ്‌ട്രി, മാത്‌സ് പഠിച്ച് 60% മാർക്കോടെ 12–ാം ക്ലാസ് ജയം. ജെഇഇ മെയിൻ– 2022 എഴുതിയവരാകണം.

2003 ജൂലൈ രണ്ടിനു മുൻപും 2006 ജൂലൈ ഒന്നിനു ശേഷവും ജനിച്ചവരാകരുത് (രണ്ടു തീയതിയും ഉൾപ്പെടെ).

∙ പരിശീലനം: 5 വർഷം. പൂർത്തിയാക്കുന്നവർക്ക് എൻജിനീയറിങ് ബിരുദം ലഭിക്കും. പരിശീലനശേഷം ലഫ്‌റ്റ്‌നന്റ് റാങ്കിൽ നിയമനം.

∙ തിരഞ്ഞെടുപ്പ്: ഷോർട് ലിസ്‌റ്റ് ചെയ്യപ്പെടുന്നവരെ എസ്‌എസ്‌ബി ഇന്റർവ്യൂവിനു ക്ഷണിക്കും. രണ്ടു ഘട്ടങ്ങളായി 5 ദിവസമാണ് ഇന്റർവ്യൂ. സൈക്കോളജിക്കൽ ടെസ്‌റ്റ്, ഗ്രൂപ്പ് ടെസ്‌റ്റ് എന്നിവയും വൈദ്യപരിശോധനയുമുണ്ടാകും. 

Content Summary : Indian Army 10+2 TES-48 Recruitment 2022 | 90 Vacancies