അഞ്ചുവർഷം അധ്യാപന പരിചയമുണ്ടോ?; ആർമി പബ്ലിക് സ്കൂളിൽ അധ്യാപകരാകാം
Mail This Article
ആർമി വെൽഫെയർ എജ്യുക്കേഷൻ സൊസൈറ്റിക്കു കീഴിലെ ആർമി പബ്ലിക് സ്കൂളുകളിൽ അധ്യാപകരാകാൻ അവസരം. ഒക്ടോബർ 5 വരെ ഒാൺലൈനായി അപേക്ഷിക്കാം.
തസ്തിക, യോഗ്യത:
∙പിജിടി (ഇംഗ്ലിഷ്, ഹിന്ദി, ഇക്കണോമിക്സ്, ഹിസ്റ്ററി, ജോഗ്രഫി, പൊളിറ്റിക്കൽ സയൻസ്, സൈക്കോളജി, ഹോം സയൻസ്, മാത്സ്, ഫൈൻ ആർട്സ്, ഫിസിക്സ്, കെമിസ്ട്രി, ബയോളജി, ബയോടെക്നോളജി, അക്കൗണ്ടൻസി, ബിസിനസ് സ്റ്റഡീസ്, കംപ്യൂട്ടർ സയൻസ്, ഇൻഫർമാറ്റിക്സ് പ്രാക്ടീസസ്, ഫിസിക്കൽ എജ്യുക്കേഷൻ): 50% മാർക്കോടെ പിജി, ബിഎഡ്.
∙ടിജിടി (സാൻസ്ക്രിട്, ഹിന്ദി, ഇംഗ്ലിഷ്, സോഷ്യൽ സ്റ്റഡീസ്, മാത്സ്, സയൻസ്, കംപ്യൂട്ടർ സയൻസ്): 50% മാർക്കോടെ ബിരുദം, ബിഎഡ്.
∙പിആർടി: 50% മാർക്കോടെ ബിരുദം, D.EI.Ed/B.EI.Ed/B.Ed
നിയമനം ലഭിക്കുമ്പോൾ ടിജിടി, പിആർടിക്കാർക്ക് സിടിഇടി/ടെറ്റ് യോഗ്യത ഉണ്ടായിരിക്കണം
പ്രായം: തുടക്കക്കാർ: 40ൽ താഴെ, പരിചയമുള്ളവർ: 57ൽ താഴെ (ഇവർ കഴിഞ്ഞ 10 വർഷത്തിനുള്ളിൽ 5 വർഷമെങ്കിലും അധ്യാപകരായി പ്രവർത്തിച്ചിരിക്കണം).
യോഗ്യത, പ്രായം സംബന്ധിച്ച കൂടുതൽ വിവരങ്ങൾ സൈറ്റിൽ.
തിരഞ്ഞെടുപ്പ്: ഒാൺലൈൻ സ്ക്രീനിങ് ടെസ്റ്റ്, ഇന്റർവ്യൂ, ടീച്ചിങ് അഭിരുചി, കംപ്യൂട്ടർ പ്രഫിഷ്യൻസി അടിസ്ഥാനമാക്കി. നവംബർ 5, 6 തീയതികളിലാണു ടെസ്റ്റ്. തിരുവനന്തപുരത്തും പരീക്ഷാകേന്ദ്രമുണ്ട്.
Content Summary : Army Public School Recruitment 2022 for TGT, PGT & PRT Posts