കൊച്ചി നേവൽ ഷിപ് റിപ്പയർ യാഡിൽ 230 അപ്രന്റിസ്

കൊച്ചി നേവൽ ബേസിലെ നേവൽ ഷിപ് റിപ്പയർ യാഡിലും നേവൽ എയർക്രാഫ്റ്റ് യാഡിലും 230അപ്രന്റിസ് ഒഴിവ്. സെപ്റ്റംബർ 23 വരെ അപേക്ഷിക്കാം. 

ഒഴിവുള്ള ട്രേഡുകൾ: കംപ്യൂട്ടർ ഒാപ്പറേറ്റർ ആൻഡ് പ്രോഗ്രാമിങ് അസിസ്റ്റന്റ്, ഇലക്ട്രീഷ്യൻ, ഇലക്ട്രോണിക്സ് മെക്കാനിക്, ഫിറ്റർ, മെഷിനിസ്റ്റ്, മെക്കാനിക് മോട്ടർ വെഹിക്കിൾ, മെക്കാനിക് റഫ്രിജറേഷൻ ആൻഡ് എയർ കണ്ടീഷനിങ്, ടർണർ, വെൽഡർ-ഗ്യാസ് ആൻഡ് ഇലക്ട്രിക്, ഇൻസ്ട്രുമെന്റ് മെക്കാനിക്, ഷീറ്റ് മെറ്റൽ വർക്കർ, സെക്രട്ടേറിയൽ അസിസ്റ്റന്റ്, ഇലക്ട്രോപ്ലേറ്റർ, പ്ലംബർ, മെക്കാനിക് ഡീസൽ, മറൈൻ എൻജിൻ ഫിറ്റർ, ഷിപ്റൈറ്റ്-വുഡ്, ടൂൾ ആൻഡ് ഡൈ മേക്കർ-പ്രസ് ടൂൾസ്, ജിഗ്സ് ആൻഡ് ഫിക്ചേഴ്സ്, പെയിന്റർ-ജനറൽ, പൈപ് ഫിറ്റർ, ഫൗൺട്രിമാൻ, ടെ‌യ്‌ലർ-ജനറൽ, മെഷിനിസ്റ്റ്- ഗ്രൈൻഡർ, മെക്കാനിക് ഒാട്ടോ ഇലക്ട്രിക്കൽ ആൻഡ് ഇലക്ട്രോണിക്സ്, ഡ്രാഫ്റ്റ്സ്മാൻ (മെക്കാനിക്കൽ, സിവിൽ). 

യോഗ്യത: 50% മാർക്കോടെ പത്താം ക്ലാസ്, 65% മാർക്കോടെ ബന്ധപ്പെട്ട ട്രേഡിൽ െഎടിെഎ (പ്രൊവിഷനൽ നാഷനൽ ട്രേഡ് സർട്ടിഫിക്കറ്റ് പരിഗണിക്കും). 

പ്രായപരിധി: 21 വയസ്സ്. അർഹർക്ക് ഇളവ്.

അപേക്ഷയും സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകളും The Admiral Superintendent (for Officer in-Charge), Apprentices Training School, Naval Ship Repair Yard, Naval Base, Kochi-682 004 എന്ന വിലാസത്തിൽ അയയ്ക്കണം. വിശദ വിജ്‍ഞാപനം സെപ്റ്റംബർ 10-16 ലക്കം ‘എംപ്ലോയ്മെന്റ് ന്യൂസിൽ’. 

Content Summary : Apply For Latest 230 Apprentice Vacancies in Naval Ship Repair Yard, Kochi