കൊച്ചി നേവൽ ഷിപ് റിപ്പയർ യാഡിൽ അപ്രന്റിസ് ആകാം; 240 ഒഴിവുകൾ

കൊച്ചി നേവൽ ബേസിലെ നേവൽ ഷിപ് റിപ്പയർ യാഡിലും നേവൽ എയർക്രാഫ്റ്റ് യാഡിലും 240 അപ്രന്റിസ് ഒഴിവ്. സെപ്റ്റംബർ 16 വരെ അപേക്ഷിക്കാം. 

Read Also : പ്രായം 18 നും 24നും ഇടയിലാണോ?; ഐഒസിഎലിൽ അപ്രന്റിസ് ആകാം

∙ ഒഴിവുള്ള ട്രേഡുകൾ: കംപ്യൂട്ടർ ഒാപ്പറേഷൻ ഒാഫ് പ്രോഗ്രാമിങ് അസിസ്റ്റന്റ്, ഇലക്ട്രീഷ്യൻ, ഇലക്ട്രോണിക്സ് മെക്കാനിക്, ഫിറ്റർ, മെഷിനിസ്റ്റ്, മെക്കാനിക് മോട്ടർ വെഹിക്കിൾ, മെക്കാനിക് റഫ്രിജറേഷൻ ആൻഡ് എയർ കണ്ടീഷൻ, ടർണർ, വെൽഡർ-ഗ്യാസ് ആൻഡ് ഇലക്ട്രിക്, ഇൻസ്ട്രുമെന്റ് മെക്കാനിക്, ഷീറ്റ് മെറ്റൽ വർക്കർ, സെക്രട്ടേറിയറ്റ് അസിസ്റ്റന്റ്, ഇലക്ട്രോപ്ലേറ്റർ, പ്ലമർ, മെക്കാനിക് ഡീസൽ, ഷിപ്റൈറ്റ്-വുഡ്, ടൂൾ ആൻഡ് ഡൈ മേക്കർ, പെയിന്റർ-ജനറൽ, ഫൗൺട്രിമാൻ, ടെ‌യ്‌ലർ-ജനറൽ, മെഷിനിസ്റ്റ്-ഗ്രൈൻഡർ, മെക്കാനിക് ഒാട്ടോ ഇലക്ട്രിക്കൽ ഇലക്ട്രോണിക്, ഡ്രാഫ്റ്റ്സ്മാൻ (മെക്കാനിക്, സിവിൽ), മെക്കാനിക് മറൈൻ ഡീസൽ, മറീൻ എൻജിൻ ഫിറ്റർ.

∙യോഗ്യത: 50% മാർക്കോടെ പത്താം ക്ലാസ്, 65% മാർക്കോടെ ബന്ധപ്പെട്ട ട്രേഡിൽ െഎടിഐ (നാഷനൽ ട്രേഡ് സർട്ടിഫിക്കറ്റ് പരിഗണിക്കും). 

∙പ്രായപരിധി: 21. പട്ടികവിഭാഗത്തിന് 5 വർഷവും ഒബിസിക്കാർക്കു 3 വർഷവും ഉയർന്ന പ്രായത്തിൽ ഇളവുണ്ട്.

നിശ്ചിത മാതൃകയിൽ തയാറാക്കിയ അപേക്ഷയോടൊപ്പം സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകളും The Admiral Superintendent (for Officer in-Charge), Apprentices Training School, Naval Ship Repair Yard, Naval Base, Kochi-682 004 എന്ന വിലാസത്തിൽ സാധാരണ തപാലിൽ അയയ്ക്കണം. 

Content Summary : Start Your Career in the Navy: 240 Apprentice Vacancies Available at Kochi Naval Base – Apply Today