sections
MORE

മാമ്പഴം മോഷ്ടിക്കാനായി 5 അടിയോളം ഉയരമുള്ള മതിലു ചാടിക്കടന്ന കാട്ടാന; ദൃശ്യങ്ങൾ!

Elephant Climbs 5-Ft Wall Just To Steal Mangoes
SHARE

മാമ്പഴവും കരിമ്പുമൊക്കെ ആനകൾക്ക് ഏറെയിഷ്ടമാണ്. ഇതു കിട്ടാനായി ഏതറ്റം വരെ പോകാനും ആനകൾക്കു മടിയില്ല. ഇങ്ങനെ മാമ്പഴം മോഷ്ടിക്കാൻ മതിൽ ചാടിക്കടന്ന കാട്ടാനയുടെ ദൃശ്യങ്ങളാണ് ഇപ്പോൾ സമൂഹമാധ്യമങ്ങളിൽ നിറയുന്നത്. സാംബിയയിലെ സൗത്ത് ലുങ്ക്വ നാഷണൽ പാർക്കിലാണ് സംഭവം നടന്നത്.

അഞ്ചടിയോളം ഉയരമുള്ള മതിലാണ് ആന കൂളായി ചാടിക്കടന്നത്. മുൻകാലുകൾ ഉയർത്തി ശ്രദ്ധയോടെയായിരുന്നു ആനയുടെ മതിലുചാട്ടം. മതിലൊന്നും തനികൊരു പ്രതിബന്ധമേ അല്ലെന്ന മട്ടിലായിരുന്നു ആനയുടെ നീക്കങ്ങൾ. മുഫേ ലോഡ്ജിലെ വിനോദസഞ്ചാരികൾ ഉച്ചകഴിഞ്ഞതിനു ശേഷം സഫാരിക്കിറങ്ങുമ്പോഴാണ് ഈ സംഭവം ശ്രദ്ധയിൽ പെട്ടത്. ഒറ്റയാനാണ് മാമ്പഴം തിരഞ്ഞ് മതിലുചാടിക്കടന്ന് ലോഡ്ജിനരികിലെത്തിയത്.

ലോഡ്ജിന്റെ മാനേജിങ് ഡയറക്ടറായ ആൻഡി ഹോഗ് ആണ് മനോഹരമായ ഈ ദൃശ്യങ്ങൾ പകർത്തിയത്. മാമ്പഴം തിരഞ്ഞാണ് കൊമ്പൻ എത്തിയതെങ്കിലും സീസണല്ലാത്തതിനാൽ മാമ്പഴമൊന്നും ആനയ്ക്കു കിട്ടിയില്ല. മാഞ്ചുവട്ടിലെത്തി മാമ്പഴം തിരഞ്ഞ ശേഷം വന്നവഴിയേ തന്നെ മതിലു ചാടിക്കടന്ന്  കൊമ്പൻ കാടുകയറുകയും ചെയ്തു. ആനയുടെ മതിലു ചാട്ടം കണ്ട് അമ്പരന്നിരിക്കുകയാണ് വിനോദസഞ്ചാരികൾ.ഇത്തരമൊരു മനോഹരമായ ദൃശ്യം നേരിട്ട് കാണാൻ സാധിച്ചതിന്റെ സന്തോഷത്തിലാണ് ഇവർ സഫാരിക്കിറങ്ങിയത്. മതിലു ചാടിക്കടന്ന ആനയാണ് ഇപ്പോൾ സമൂഹമാധ്യമങ്ങളിലെ താരം. 

English Summary: Elephant Climbs 5-Ft Wall Just To Steal Mangoes

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN GREEN HEROES
SHOW MORE
FROM ONMANORAMA