ജനിച്ചിട്ട് 20 മിനിട്ട് മാത്രം; പിച്ചവയ്ക്കുന്ന ആനക്കുട്ടിയുടെ ദൃശ്യങ്ങൾ കൗതുകമാകുന്നു!

ജനിച്ചിട്ട് വെറും ഇരുപതു മിനിട്ട് മാത്രം പ്രായമുള്ള ആനക്കുട്ടിയുടെ ദൃശ്യങ്ങളാണ് ഇപ്പോൾ സമൂഹമാധ്യമങ്ങളിൽ നിറയുന്നത്. ഇടറുന്ന കാലടികളോടെ പിച്ചവയ്ക്കുന്ന ആനക്കുട്ടിയാണ് ദൃശ്യങ്ങളിലുള്ളത്. അമ്മയുടെ പിന്നാലെയായിരുന്നു ആനക്കുട്ടിയുടെ നടത്തം. ഏറെ കഷ്ടപ്പെട്ടായിരുന്നു കുട്ടിയാനയുടെ നടത്തം. അമ്മയാന ഇടയ്ക്കിടെ ആശങ്കയോടെ കുഞ്ഞിന്റെ നടത്തം ശ്രദ്ധിക്കുന്നുമുണ്ടായിരുന്നു. ആഫ്രിക്കൻ വനാന്തരങ്ങളിൽ നിന്നു പകർത്തിയതാണ് ദ‍ൃശ്യങ്ങൾ.

ഐഎഫ്എസ് ഉദ്യോഗസ്ഥനായ സുശാന്ത നന്ദയാണ് മനോഹരമായ ദൃശ്യം ട്വിറ്ററിലൂടെ പങ്കുവച്ചത്. ആനക്കുട്ടിയുടെ നടത്തത്തെ പുതിയ ലോകത്തേക്കുള്ള നൃത്തച്ചുവടുകളായാണ് പലരും വിശേഷിപ്പിച്ചത്. നിരവധിയാളുകൾ ഇപ്പോൾ തന്നെ ഈ ദൃശ്യങ്ങൾ കണ്ടുകഴിഞ്ഞു.

English Summary: Elephant Calf 'dances' His Way Into The World