കൊലയാളി തിമിംഗലത്തിൽ നിന്നും രക്ഷപെടാൻ ബോട്ടിലൊളിച്ച നീർനായ; കൗതുക ദൃശ്യം!

കൊലയാളി തിമിംഗലത്തിന്റെ പിടിയിൽ നിന്നും രക്ഷപെടാൻ ബോട്ടിലൊളിച്ച നീർനായയുടെ ദൃശ്യം കൗതുകമാകുന്നു. അലാസ്ക്കയിലെ ഹാലിബട്ട് കോവ് ലഗൂണിലാണ് സംഭവം നടന്നത്. 37 കാരനായ ജോൺ ഡോർണല്ലസ് ആണ് തന്റെ ബോട്ടിലേക്ക് കയറി രക്ഷപെട്ട നീർനായയുടെ ദൃശ്യം പകർത്തിയത്.

കൊലയാളി തിമിംഗലം പിന്തുടരുന്നതിനിടയിലാണ് നീർനായ സമീപത്തുകൂടി പോവുകയായിരുന്ന ബോട്ടിലേക്ക് ചാടിക്കയറി രക്ഷപെട്ടത്. ബോട്ടിനു ചുറ്റും വട്ടം കറങ്ങിയ ശേഷമാണ് നീർനായ ബോട്ടിനു പിന്നിലുള്ള സ്ഥലത്തേക്ക് ചാടിക്കയറിയത്. പിന്നാലെയെത്തിയ തിമിംഗലം ബോട്ടിനരികിലൂടെ കടന്നുപോകുന്നതും ദൃശ്യത്തിൽ വ്യക്തമാണ്. ഡാർക്ക് സൈഡ് ഓഫ് നേച്ചറിന്റെ ട്വിറ്റർ പേജിലാണ് ഈ ദൃശ്യം പങ്കുവച്ചത്.

English Summary: Sea otter being chased by a killer whale leaps to safety on a boat