കാലികള് മേഞ്ഞു നടക്കും പോലെ ജനവാസ കേന്ദ്രങ്ങളിലൂടെ കാട്ടാനകൾ, ഭീതിയോടെ ജനങ്ങൾ!
Mail This Article
കാലികള് മേഞ്ഞു നടക്കുംപോലെ ജനവാസ കേന്ദ്രത്തില് കാട്ടാനകളെ ദൃശ്യങ്ങളില് കാണുന്നവര്ക്ക് കൗതുകമായിരിക്കും. എന്നാല് പ്രദേശത്തെ താമസക്കാരേയും കര്ഷകരേയും ഭീതിയില് നിര്ത്തിയാണ് കാട്ടാനകളുടെ സവാരി. മലപ്പുറം പോത്തുകല്ലിലാണ് പതിവായി കാട്ടാനകളിറങ്ങുന്നത്.
ചാലിയാര് തീരത്ത് മുണ്ടേരിക്കടുത്ത മുക്കത്തു നിന്നുളള ദൃശ്യങ്ങളാണിത്. പകല് സമയത്തു പോലും ചാലിയാറിറിന്റെ മണല്പ്പരപ്പിലൂടെ കാട്ടാനകള് നടന്നു പോവുന്നുണ്ട്. ജനവാസ മേഖലയാണിത്. തിരക്കേറിയ റോഡും തൊട്ടടുത്തു കാണാം. പുഴയില് നനക്കാനും കുളിക്കാനുമെല്ലാം കുട്ടികളടക്കം എപ്പോഴുമുളള വഴികളിലൂടെയാണ് കാട്ടുകൊമ്പന്മാരുടെ സഞ്ചാരം. നാട്ടുകാര് ഒച്ചവച്ചും പടക്കം പൊട്ടിച്ചുമെല്ലാം മണിക്കൂറുകള് നീണ്ട പരിശ്രമത്തിനൊടുവിലാണ് പലപ്പോഴും ആനക്കൂട്ടം പിന്വാങ്ങുക.
English Summary: Elephant menace acute in parts Malappuram