ഡേവിഡ് സസ്സോളിയെ യൂറോപ്യന് പാര്ലമെന്റ് പ്രസിഡന്റായി തിരഞ്ഞെടത്തു
Mail This Article
ബ്രസല്സ്∙ സോഷ്യല് ഡമോക്രാറ്റ് കക്ഷിയായുടെ ഡേവിഡ് മരിയ സസ്സോളിയെ യൂറോപ്യന് പാര്ലമെന്റിന്റെ പുതിയ പ്രസിഡന്റായി (സ്പീക്കര്) തിരഞ്ഞെടുത്തു. സ്ട്രാസ്ബര്ഗിലെ പാര്ലമെന്റില് ബുധനാഴ്ച നടന്ന രണ്ടാംഘട്ട വോട്ടെടുപ്പില് 63 കാരനായ സസ്സോളിക്ക് 345 ആംഗങ്ങളുടം പിന്തുണ ലഭിച്ചു. ആകെയുള്ള 751 പാര്ലമെന്റ് അംഗങ്ങളില് 667 എംപിമാരാണ് വോട്ടെടുപ്പില് പങ്കെടുത്തത്.
സ്പീക്കര് സ്ഥാനാര്ഥികളായി മല്സരിച്ച ഗ്രീന് പാര്ട്ടിയുടെ ജര്മന് എംപി സ്കാ കെല്ലര്, സ്പെയിനില് നിന്നുള്ള ഇടതുപാര്ട്ടിക്കാരന് സിറ റെഗോ, ചെക്ക് റിപ്പബ്ലിക്കില് നിന്നുള്ള വലതുപക്ഷ യാഥാസ്ഥിതിക കക്ഷിക്കാനായ ജാന് സഹ്രാദില് എന്നിവരെ പരാജയപ്പെടുത്തിയാണ് ഇറ്റാലിയിൽ നിന്നുള്ള അന്റോണിയോ തജാനിയുടെ പിന്ഗാമിയായി സസ്സോളി വിജയിച്ചത്.
അഞ്ചു വര്ഷമാണ് കാലാവധിയെങ്കിലും രണ്ടര വര്ഷമാണ് സസ്സോളിയ്ക്ക് സ്പീക്കറായി തുടരാനാവു. ശേഷിയ്ക്കുന്ന കാലം ജര്മനിയില് നിന്നുള്ള മാര്ക്ക് വേബറെയായിരിയ്ക്കും സ്പീക്കർ. ഇതു സംബന്ധിച്ച ധാരണയിലാണ് ഇന്നു പാര്ലമെന്റില് വോട്ടെടുപ്പ് നടന്നത്.
ഇറ്റലിയിലെ ഫളോറന്സില് നിന്നുള്ള പാര്ലമെന്റംഗമായ സസ്സോളി 2009 മുതല് യൂറോ പാര്ലമെന്റില് അംഗമാണ്.