മാതൃദിനത്തിൽ ‘മമ്മിയും ഞാനും’ ആഘോഷമാക്കി ലിവർപൂളിലെ ക്നാനായ യുവജന സംഘടന

ലിവർപൂൾ ∙ ലിവർപൂളിലെ ക്നാനായ യുവജന സംഘടനയായ കെസിവൈഎൽ ലോക മാതൃദിനത്തിൽ ‘മമ്മിയും ഞാനും’ ആഘോഷിച്ചു. കെസിവൈഎൽ അംഗങ്ങൾ ചേർന്ന് മെനോറ തെളിച്ചുകൊണ്ടാണ് ആഘോഷങ്ങൾ ആരംഭിച്ചത്. തുടർന്ന് അമ്മമാർ ഒരുമിച്ചു ചേർന്ന് കേക്ക് മുറിച്ചു.

അമ്മമാരെ ആദരിച്ചുകൊണ്ടു കെസിവൈഎൽ പ്രവർത്തകരും കുട്ടികളും നടത്തിയ വിവിധ പരിപാടികൾ വളരെയേറെ പുതുമയാർന്നതും കൗതുകകരവുമായിരുന്നു. അമ്മയും മക്കളും ചേർന്ന് വിവിധ കലാപരിപാടികൾ അവതരിപ്പിച്ചു. കോട്ടയം രൂപതയുടെ കെസിവൈഎൽ പ്രസിഡന്റ് ലിബിൻ ജോസ് പാറയിൽ മുഖ്യാതിഥിയായി പങ്കെടുത്തു.

ആഘോഷങ്ങൾക്ക് ആൽവിൻ ബിനോയ്, ക്രിസ്റ്റിന ലാലു, ഡോണ ബേബി, അലാന ഗ്രേസ് രാജു, ജൂഡ് ലാലു എന്നിവർ നേതൃത്വം നൽകി. മാതൃദിനാഘോഷ പരിപാടികൾക്ക് ലിവർപൂൾ ക്നാനായ പ്രസിഡണ്ട് ലാലു തോമസ് നന്ദി പ്രകാശിപ്പിച്ചു. തുടർന്ന് ആഘോഷങ്ങളിൽ പങ്കെടുത്ത എല്ലാവർക്കും ഭക്ഷണം നൽകി.