വീറ്റെക്സ് പ്രദർശനം ഒക്ടോബറിൽ

ദുബായ്∙ ദീവയുടെ (ദുബായ് ഇലക്ട്രിസിറ്റി ആൻഡ് വാട്ടർ അതോറിറ്റി) നേതൃത്വത്തിൽ വിറ്റെക്സ്(വാട്ടർ, എനർജി, ടെക്നോളജി ആൻഡ് എൻവയൺമെന്റ് എക്സിബിഷൻ) ദുബായ് സോളർ ഷോ ഒക്ടോബർ 21 മുതൽ 23 വരെ നടക്കും. ഗ്രീൻ വീക്ക് ആചരണത്തിന്റെ ഭാഗമായി ദുബായ് ഇന്റർനാഷനൽ കൺവൻഷൻ ആൻഡ് എക്സിബിഷൻ സെന്ററിലാണു പ്രദർശനം.

കഴിഞ്ഞ തവണ 53 രാജ്യങ്ങളിൽ നിന്നുള്ള 2100 പ്രദർശകർ എത്തിയിരുന്നു. 35000 പേർ കാണാനെത്തി. ജല, ഊർജ, സാങ്കേതിക മേഖലകളിൽ രാജ്യാന്തര തലത്തിൽ നടക്കുന്ന പുതിയ കണ്ടുപിടിത്തങ്ങളും മാറ്റങ്ങളും പ്രദർശനത്തിൽ ഉൾപ്പെടുത്തുമെന്നു ദീവ എംഡി സയീദ് മുഹമ്മദ് അൽ തായർ അറിയിച്ചു.