ഇൻഡിവുഡ് ടാലന്റ് ഹണ്ട് ആരംഭിച്ചു
Mail This Article
ദുബായ് ∙ യുഎഇയിലെ മികച്ച പ്രതിഭകളെ കണ്ടെത്താൻ ഇൻഡിവുഡ് ടാലന്റ് ഹണ്ട് ഇന്റർനാഷനൽ ചാപ്റ്റർ ആരംഭിച്ചു.ആദ്യഘട്ട ഒഡിഷനിലേക്കുള്ള റജിസ്ട്രേഷൻ സെപ്റ്റംബർ 30 വരെ യുഎഇയിലെ വിവിധ കലാ കേന്ദ്രങ്ങളിൽ നടക്കും.
ഇന്ത്യൻ സിനിമയെ ആഗോള നിലവാരത്തിലേക്ക് ഉയർത്തുക എന്ന ലക്ഷ്യത്തോടെ ഇന്ത്യൻ ശത കോടീശ്വരന്മാരെ ഒരുമിപ്പിച്ചുള്ള പത്ത് ബില്ല്യൺ ഡോളർ പ്രൊജക്ടായ ഇൻഡിവുഡിന്റെ ടാലന്റ് ഹണ്ടാണു തുടങ്ങിയത്.ഇൻഡിവുഡ് ഫിലിം കാർണിവലിന്റെ ഭാഗമാണു ടാലന്റ് ഹണ്ട്.പത്തു വിഭാഗങ്ങളിലായി 23 ഇവന്റുകളാണുള്ളത്.സംഗീതം,നൃത്തം,നാടകം,ഫൈൻ ആർട്സ്,ഡിസൈൻസ് ആൻഡ് ക്രിയേറ്റിവ്,മീഡിയ ക്വിസിങ്,ഫോട്ടോഗ്രഫി.ഫിലിം മേക്കിങ്,ടെക്നിക്കൽസ്.എന്നിവയാണ് ഇവന്റുകൾ.ആദ്യഘട്ട ഓഡിഷനും ഓൺലൈൻ വോട്ടിങ് റൗണ്ടിനും ശേഷം തിരഞ്ഞെടുക്കപ്പെടുന്ന മത്സരാർഥികൾ ഡിസംബർ 1,2 തിയതികളിൽ ദുബായിയിലെ അമിറ്റി സ്കൂളിൽ നടത്തുന്ന ലൈവ് ഫൈനലിൽ മത്സരിക്കാൻ അർഹരാകും.
ഇവന്റുകളിൽ ഓരോ വിഭാഗത്തിലേയും സബ് ജൂനിയർ(6 - 10വയസ്സ്),ജൂനിയർ(11 - 13വയസ്സ്),സീനിയർ(14 - 17വയസ്സ്),സൂപ്പർ സീനിയർ(18 - 22വയസ്സ്) വിജയികൾക്കു ദേശീയ,രാജ്യാന്തരസിനിമാ ഇൻഡസ്ട്രികളുടെ ഭാഗമാകാൻ അവസരവും കൂടാതെ മികച്ച സമ്മാനങ്ങളും നേടാം.
എറ്റവും ഉയർന്ന പോയിന്റ് നേടുന്ന കലാകേന്ദ്രത്തിനു ദുബായിലെ മികച്ച കലാ കേന്ദ്രം എന്ന പദവിയും സമ്മാനങ്ങളും നേടാം.ആറിനും 22നും ഇടയ്ക്ക് പ്രായമുള്ള എല്ലാ മത്സരാർഥികൾക്കും റജിസ്റ്റർ ചെയ്യാം www.indywoodtalenthunt.com.ഫോൺ:+971566882257 ,+971526930727