sections
MORE

ഖോർഫക്കാൻ – കൽബ റോഡ് അടുത്ത വർഷം തുറന്നേക്കും

SHARE

ഷാർജ ∙ കൽബ റോഡ് നിർമാണത്തിന്റെ രണ്ടാം ഘട്ടം ഈ വർഷാവസാനത്തോടെ പൂർത്തിയാകും. ഇതോടെ ഖോർഫക്കാൻ, കൽബ മേഖലകളെ ബന്ധിപ്പിച്ചുള്ള വിപുലമായ റോഡ് പദ്ധതി അടുത്ത വർഷത്തോടെ പൂർത്തിയാക്കി ഗതാഗതത്തിനു തുറന്നു കൊടുക്കാനാകുമെന്നാണ് അധികൃതരുടെ പ്രതീക്ഷ. കൽബ റോഡിന്റെ നിർമാണം ഏതാണ്ട് 93% പൂർത്തിയായി. ഖലീഫ ബിൻ സായിദ് ഫെഡറൽ റോഡിനെ കൽബ കോർണിഷുമായി ബന്ധിപ്പിക്കുന്ന പ്രധാന റോഡാണിത്.

ഒമാനുമായി അതിരിടുന്ന ഖാതം അൽ മലേഹ വരെ ഈ റോഡ് നീളും. ആറു കോടി ദിർഹമാണ് ചെലവ്. ഫുജൈറ വഴിയല്ലാതെ ദുബായ്, ഷാർജ എന്നിവിടങ്ങളിൽ നിന്ന് കൽബയിലേക്കു പോകാൻ ഉപകരിക്കുന്നതാണ് ഈ റോഡ്. ഖോർഫക്കാൻ റോഡ് നിർമാണത്തിന്റെ മൂന്നാം ഘട്ടം 75% പൂർത്തിയായി. അടുത്ത വർഷം ആദ്യ പാദത്തിൽ റോഡ് പൂർത്തിയാകും. 15 കോടി ദിർഹമാണ് ചെലവ്.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN GULF
SHOW MORE
FROM ONMANORAMA