ട്രാഫിക് പിഴയിളവ്; അടുത്തഘട്ടം തുടങ്ങി

ദുബായ് ∙ ഗതാഗത നിയമം ലംഘിക്കാതെ വാഹനമോടിച്ചാൽ ട്രാഫിക് പിഴയിൽ ഇളവു നൽകുന്ന പദ്ധതിയുടെ അടുത്തഘട്ടം ആരംഭിച്ചു. നേരത്തേ നടത്തിയ നിയമലംഘനങ്ങളുടെ പിഴയാണ് കുറയുക. 4,25,371 പേർക്ക് ഇതുവരെ ആനുകൂല്യം ലഭിച്ചു.

ഫെബ്രുവരിയിൽ തുടങ്ങിയ പദ്ധതിയനുസരിച്ച് 6 മാസം നിയമലംഘനം നടത്തിയില്ലെങ്കിൽ അതുവരെയുള്ള പിഴയിൽ 50% കുറവുണ്ടാകും. 9 മാസം നിയമലംഘനം നടത്താത്തവർക്ക് 75 ശതമാനവും  ഒരു വർഷം നടത്താവർക്ക് 100 ശതമാനവും  ഇളവ് ലഭിക്കും. ആറു മാസം പിന്നിട്ട പദ്ധതിയുടെ മൂന്നാം ഘട്ടമാണ് തുടങ്ങിയത്.