സ്കോളേഴ്സ് ഇന്ത്യൻ സ്കൂളിൽ ഓണാഘോഷം നടത്തി

റാസൽഖൈമ∙ സ്കോളേഴ്സ് ഇന്ത്യൻ സ്കൂളിൽ ഓണാഘോഷം വർണശബളമായി കൊണ്ടാടി. സമ്പൽ സമൃദ്ധിയുടെ ഗൃഹാതുരതയുണർത്തുന്ന ഓണപ്പാട്ടിന്റെ അകമ്പടിയോടെ കുട്ടികൾ മാവേലിയെ വരവേറ്റു. ചെണ്ടമേളം, തിരുവാതിര, നാടൻപാട്ടുകൾ തുടങ്ങിയവ  അവതരിപ്പിക്കുകയും പൂക്കളങ്ങളുമൊരുക്കുകയും ചെയ്തു. വിവിധ ദേശങ്ങളിൽ നിന്നുള്ള കുട്ടികൾ കേരളീയ വേഷമണിഞ്ഞ് സാംസ്കാരികോത്സവത്തിൽ  ആവേശപൂർവം പങ്കെടുത്തു. വടംവലി, പൂക്കള മത്സരം തുടങ്ങിയവയും സംഘടിപ്പിച്ചിരുന്നു . സ്കൂൾ പ്രിൻസിപ്പാൾ പ്രഫ.എം.അബുബക്കർ പ്രസംഗിച്ചു.