sections
MORE

ബിസിനസ് മാൻ ഓഫ്‌ ദി ഇയർ പുരസ്‌കാരം സോഹന്‍ റോയ് ഏറ്റുവാങ്ങി

sohan-roy-award
SHARE

ഷാർജ ∙ നെഹ്‌റു ഗ്രൂപ്പ് ഓഫ് ഇൻസ്റ്റിറ്റ്യൂട്ടിന്റെ ഈ ഈ വർഷത്തെ ബിസിനസ് മാൻ ഓഫ്‌ ദി ഇയർ പുരസ്‌കാരം ഹോളിവുഡ് സംവിധായകനും ഏരീസ് ഇന്റർനാഷണൽ മാരിടൈം റിസർച്ച് ഇൻസ്റ്റിറ്റ്യൂട്ടിന്റെ ഫൗണ്ടർ ചെയർമാനും സിഇഒയുമായ സോഹന്‍ റോയിക്ക് സമ്മാനിച്ചു. ഇന്റെർ ഡിസിപ്ലിനറി റിസേർച് ഇന്നോവേഷൻസ് ഇൻ സയൻസ് ആൻഡ് ഹ്യൂമാനിറ്റീസ് എന്ന പേരിൽ നെഹ്‌റു ആർട്സ് ആൻഡ് സയൻസ് കോളേജ് സങ്കടിപ്പിച്ച അഞ്ചാമത് രാജ്യാന്തര സംഗമത്തോടനുബന്ധിച്ച് ഷാർജയിൽ വച്ച് നടന്ന ചടങ്ങില്‍ പുരസ്‌കാരം വിതരണം ചെയ്തു. 

മറൈൻ രംഗത്ത് മികച്ച നേവൽ ആർക്കിടെക്ചർ, എൻജിനീയറിംഗ്, ഡിസൈൻ മേഖലകളിൽ വിദഗ്ദ്ധരെ വാർത്തെടുക്കുന്നതിന് ഏരീസ് മറൈൻ 1998 ൽ ആരംഭിച്ചതാണ് ഏരീസ് ഇന്റർനാഷണൽ മറൈൻ ആൻഡ് റിസർച്ച് ഇൻസ്റ്റിറ്റ്യൂട്ട് (എഐഎംആർഐ). 10 ബാച്ച് യുവതലമുറ വിദ്യാർഥികളെ മറൈൻ രംഗത്ത് പ്രഗത്ഭരാക്കിയ എഐഎംആർഐ ഡിസൈൻ കൺസൾട്ടൻസി യുടിജി, എൻഡിടി, റോപ്പ് ആക്സസ്, പരിശീലനം എന്നീ മേഖലകളിൽ ലോകത്തിൽ ഇന്ന് ഒന്നാം സ്ഥാനക്കാരാണ്. 

ഇന്ത്യന്‍ സിനിമയെ ആഗോള നിലവാരത്തിലേക്ക് ഉയര്‍ത്തുക എന്ന ലക്ഷ്യത്തോടെ ഇന്ത്യന്‍ ശതകോടീശ്വരന്മാരെ ഒരുമിപ്പിച്ചുകൊണ്ടുള്ള പ്രൊജക്ട് ഇന്‍ഡിവുഡിന്റെ സ്ഥാപക ഡയറക്ടറും സോഹന്‍ റോയ് ആണ്. അറബ് ലോകത്ത് ഏറ്റവും സ്വാധീനം ചെലുത്തുന്ന ശക്തരായ ഇന്ത്യക്കാരെ ഉള്‍ക്കൊള്ളിച്ചുകൊണ്ടുള്ള ഫോബ്‌സ് മാസികയുടെ പട്ടികയില്‍ തുടര്‍ച്ചയായ നാലാം വര്‍ഷവും സോഹന്‍ റോയ് ഇടം നേടിയിരുന്നു. മറൈന്‍, വിനോദം, മാധ്യമം, ആരോഗ്യം തുടങ്ങിയ മേഖലകളിലായി 16 രാജ്യങ്ങളില്‍ വ്യാപിച്ചുകിടക്കുന്ന 50 കമ്പനികള്‍ ഉള്‍പ്പെടുന്ന വ്യവസായ ശൃംഖലയാണ് ഏരീസ് ഗ്രൂപ്പിന്റേത്. 

1998-ല്‍ സോഹന്‍ റോയ് തുടക്കമിട്ട ഏരീസ് ഗ്രൂപ്പ് ഇന്ന് ലോകത്തിലെ ഏറ്റവും വലിയ നേവല്‍ ആര്‍കിടെക്ചര്‍ കണ്‍സല്‍ട്ടന്‍സിയാണ്. നാലായിരത്തിലധികം ജീവനക്കാര്‍ ഏരീസ് ഗ്രൂപ്പിന്റെ വിവിധ സ്ഥാപനങ്ങളിലായി ജോലി ചെയ്യുന്നുണ്ട്. കവി കൂടിയായ സോഹൻ റോയ് എഴുതിയ 501 അണു കവിതകളടങ്ങിയ മലയാളത്തിലെ മഹാകാവ്യങ്ങളെ അനുസ്മരിപ്പിക്കുന്ന 'അണുമഹാകാവ്യം' എന്ന കാവ്യസമാഹാരം ഈ വർഷത്തെ ഷാർജ രാജ്യാന്തര പുസ്തകമേളയിൽ പ്രകാശനം ചെയ്തിരുന്നു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN GULF
SHOW MORE
FROM ONMANORAMA