ഇന്റർനാഷനൽ ജൂനിയർ സയൻസ് ഒളിംപ്യാഡ് ഇന്നുമുതൽ

ദോഹ∙ 70 രാജ്യങ്ങളുടെ പങ്കാളിത്തത്തോടെ 16-ാമത് ഇന്റർനാഷനൽ ജൂനിയർ സയൻസ് ഒളിംപ്യാഡ് ഇന്ന് തുടങ്ങും. വിദ്യാഭ്യാസ മന്ത്രാലയമാണ് ഖത്തർ നാഷനൽ കൺവൻഷൻ സെന്ററിൽ നടക്കുന്ന ഒളിംപ്യാഡിന്റെ സംഘാടകർ. 70 രാജ്യങ്ങളിൽ നിന്നുള്ള മത്സരാർത്ഥികളുമായി ഒളിംപ്യാഡ് നടത്തുന്ന പ്രഥമ അറബ് രാജ്യമാണ് ഖത്തറെന്ന് മന്ത്രാലയം അണ്ടർസെക്രട്ടറി ഡോ.ഇബ്രാഹിം ബിൻ സലേഹ് അൽ നുഐമി പറഞ്ഞു. 11 വരെയാണ് ഒളിംപ്യാഡ്.