എച്ച്എംസി ഫാർമസികളിലെ മെറ്റ്ഫോമിൻ മരുന്നുകൾ സുരക്ഷിതമെന്ന് അധികൃതർ
Mail This Article
ദോഹ ∙ ഹമദ് മെഡിക്കൽ കോർപറേഷനിലെ (എച്ച്എംസി) ഫാർമസികളിൽ ലഭ്യമായ പ്രമേഹത്തിനുള്ള മെറ്റ്ഫോമിൻ (ഗ്ലൂക്കോഫേജ്) മരുന്നുകൾ സുരക്ഷിതമായി കഴിക്കാവുന്നതാണെന്ന് അധികൃതർ. എച്ച്എംസി വിതരണം ചെയ്യുന്ന എല്ലാ മെറ്റ്ഫോമിൻ മരുന്നുകളും സുരക്ഷിതമാണെന്നും ഇവയിൽ എൻ–നിട്രോസോഡിമെഎഥിലാമിൻ (എൻഡിഎംഎ ) സത്ത് അടങ്ങിയിട്ടില്ലെന്നും അധികൃതർ ഉറപ്പ് നൽകി.
ഫ്രാൻസിലെ യഥാർഥ നിർമാതാക്കളിൽ നിന്ന് നേരിട്ട് ഇറക്കുമതി ചെയ്യുന്ന മെറ്റ്ഫോമിൻ മരുന്നുകളാണ് എച്ച്എംസി രോഗികൾക്ക് നൽകുന്നത്. യുഎസ് ഫുഡ്-ഡ്രഗ് അഡ്മിനിസ്ട്രേഷനും യൂറോപ്യൻ മെഡിസിൻസ് ഏജൻസിയും മരുന്നിൽ മാലിന്യം കലർന്ന എൻഡിഎംഎയുടെ സത്ത് അടങ്ങിയിട്ടില്ലെന്ന് ഉറപ്പാക്കിയിട്ടുണ്ട്. യുഎസിലും യൂറോപ്പിലും ഗ്ലൂക്കോഫേജ് തന്നെയാണ് ഉപയോഗിക്കുന്നത്.
എച്ച്എംസിയിലെ മെറ്റ്ഫോമിൻ മരുന്നുകൾ എൻഡിഎംഎ രഹിതമാണെന്ന് ഉറപ്പാക്കിയതായും മുൻകരുതലുകളും സ്വീകരിച്ചതായും പൊതുജനാരോഗ്യ മന്ത്രാലയം വാർത്തക്കുറിപ്പിൽ വ്യക്തമാക്കിയിരുന്നു.