പൗരത്വ നിയമത്തിനെതിരെ ഫ്രണ്ട്സ് സോഷ്യൽ അസോസിയേഷൻ

മനാമ ∙ പൗരന്മാരെ രണ്ടു തട്ടിലാക്കുന്ന ദേശീയ പൗരത്വ ഭേദഗതി നിയമം ഭരണഘടനയുടെ അന്തസ്സത്തയ്ക്ക് നിരക്കുന്നതല്ലെന്നും മുഴുവൻ ഇന്ത്യക്കാരും ഇതിനെതിരെ രംഗത്തു വരണമെന്നും ഫ്രണ്ട്സ് സോഷ്യൽ അസോസിയേഷൻ. 

പൗരന്മാരെ അരികുവത്കരിക്കുകയും പുറന്തള്ളാൻ ശ്രമിക്കുകയും ചെയ്യുന്നത് അന്താരാഷ്ട്ര സമൂഹത്തിനിടയിൽ ഇന്ത്യയുടെ യശസ്സ് കുറയാൻ കാരണമായിട്ടുണ്ട്. തെറ്റ് തിരുത്താനും വിവാദ പൗരത്വ ഭേദഗതി നിയമം പിൻവലിക്കാനും സർക്കാർ തയാറാകണമെന്നു ഫ്രണ്ട്സ്  സോഷ്യൽ അസോസിയേഷൻ പ്രസ്താവനയിൽ ആവശ്യപ്പെട്ടു.