ലുലു എക്സ്ചേഞ്ചിനു പുതിയ ശാഖ
Mail This Article
കുവൈത്ത് സിറ്റി ∙ ലുലു എക്സ്ചേഞ്ചിന്റെ ഫർവാനിയയിലെ നാലാമത്തെയും കുവൈത്തിലെ 24ാമത്തെയും ശാഖ ലുലു ഗ്രൂപ്പ് ചെയർമാൻ എം.എ.യൂസഫലി ഉദ്ഘാടനം ചെയ്തു. റമിറ്റൻസ്, ഫോറിൻ എക്സ്ചേഞ്ച് സേവനം ലഭിക്കുന്ന ശാഖയിൽ പ്രീമിയം അംഗത്വമെടുക്കുന്ന ഉപഭോക്താവിന് ലുലു എക്സ്ചേഞ്ചിലെ ആനുകൂല്യങ്ങൾക്ക് പുറമേ ലുലു വ്യാപാര പങ്കാളിത്ത സ്ഥാപനങ്ങളിൽ പ്രത്യേക ഡിസ്കൗണ്ടും ലഭിക്കും.
മണി എക്സ്ചേഞ്ച് സേവനം ഉപഭോക്താക്കൾക്ക് അവരുമായി അടുത്ത കേന്ദ്രങ്ങളിൽ ലഭ്യമാക്കുക എന്ന ലക്ഷ്യത്തോടെയാണ് കൂടുതൽ ഇടങ്ങളിൽ ബ്രാഞ്ച് തുറക്കുന്നതെന്ന് ലുലു ഫിനാൻഷ്യൽ ഹോൾഡിങ് എംഡി അദീബ് അഹമ്മദ് പറഞ്ഞു. ആഗോളതലത്തിലുള്ള ശൃംഖലയും നൂതന സാങ്കേതിക വൈദഗ്ധ്യവും കുവൈത്തിലുള്ള പ്രവാസികളുടെ പണമിടപാടിന് വേഗത കൈവരുത്തുമെന്നും അദ്ദേഹം പറഞ്ഞു. ഫർവാനിയ ലുലു എക്സ്പ്രസ് ബിൽഡിങ്ങിലാണ് പുതിയ ബ്രാഞ്ച്.