ഖത്തറില്‍ ഒരാള്‍ കൂടി കോവിഡ് ബാധിച്ച് മരിച്ചു

ദോഹ ∙ ഖത്തറില്‍ ഒരാള്‍ കൂടി കോവിഡ്-19 ബാധിച്ച് മരിച്ചു. മരണസംഖ്യ 211 ആയി. 228 പേരില്‍ കോവിഡ്-19 സ്ഥിരീകരിച്ചു. 11 പേര്‍ വിദേശ രാജ്യങ്ങളില്‍ നിന്നുള്ളവര്‍.

49 വയസുകാരനാണ് മരണമടഞ്ഞത്. 237 പേര്‍ കൂടി സുഖം പ്രാപിച്ചതോടെ രോഗമുക്തരുടെ എണ്ണം 1,20,540 എത്തി. അതേസമയം 2,853 പേരാണ് നിലവില്‍ കോവിഡ്-19 പോസിറ്റീവ്. 62 പേര്‍ തീവ്ര പരിചരണ വിഭാഗത്തിലാണ്. 427 പേരാണ് ആശുപത്രിയില്‍ ചികിത്സയില്‍ കഴിയുന്നത്. 

5,468 പേരെയാണ് കഴിഞ്ഞ 24 മണിക്കൂറിനിടെ പരിശോധനയ്ക്ക് വിധേയമാക്കിയത്. ഇതോടെ രാജ്യത്ത് കോവിഡ് പരിശോധനയ്ക്ക് വിധേയമായവരുടെ എണ്ണം 7,29,545 ആയി ഉയര്‍ന്നു. 1,23,604 പേര്‍ക്കാണ് ഇതുവരെ രോഗം സ്ഥിരീകരിച്ചത്.