അനധികൃത എല്പിജി റഗുലേറ്ററുകള് ഉപയോഗിക്കരുതെന്ന് വൊക്വോദ്
Mail This Article
ദോഹ ∙ അനധികൃത എല്പിജി റഗുലേറ്ററുകള് ഉപയോഗിക്കരുതെന്ന് ഖത്തര് ഫ്യുവല് കമ്പനിയായ വൊക്വോദിന്റെ മുന്നറിയിപ്പ്. അംഗീകാരമില്ലാത്ത എല്പിജി റഗുലേറ്ററുകള് വില്ക്കുന്നതായി ശ്രദ്ധയില്പ്പെട്ടതോടെയാണ് ഉപഭോക്താക്കള്ക്ക് മുന്നറിയിപ്പുമായി അധികൃതര് രംഗത്തെത്തിയത്. ഷഫാഫ് സിലിണ്ടറുകളില് അനധികൃത റഗുലേറ്ററുകള് ഉപയോഗിക്കുന്നത് സിലിണ്ടറുകളുടെ തകരാറിനും വാതക ചോര്ച്ചയ്ക്കും ഇടയാക്കും.
ഉപയോഗം സുരക്ഷിതമാക്കാം
∙ ഉയര്ന്ന ഗുണനിലവാരമുള്ള, വൊക്വോദിന്റെ അംഗീകാരമുള്ള റഗുലേറ്ററുകളും ഹോസുകളും മാത്രമേ ഉപയോഗിക്കാവൂ.
∙ റഗുലേറ്റര് ശരിയായരീതിയിലാണോ സ്ഥാപിച്ചിരിക്കുന്നതെന്ന് ഉറപ്പാക്കണം. മണത്തിലൂടെ അല്ലെങ്കില് സോപ്പ് വെള്ളം ഉപയോഗിച്ചുള്ള പരിശോധനയിലൂടെയോ വാതക ചോര്ച്ച കണ്ടെത്താം.
∙ ഉപയോഗമില്ലാത്തപ്പോള് റഗുലേറ്റര് നോബ് അടയ്ക്കണം.
∙ വാതക സിലിണ്ടറുകള് സുരക്ഷിതമായും ശരിയായ രീതിയിലും കൈകാര്യം ചെയ്യണം.