sections
MORE

യുഎഇയിൽ വാക്സീൻ ആദ്യ ഡോസ് സ്വീകരിച്ചവർ 50 ലക്ഷം

uae-vaccine
Photo Credit : Tong_stocker / Shutterstock.com
SHARE

അബുദാബി∙ യുഎഇയിൽ  കോവിഡ് വാക്സീൻ ആദ്യ ഡോസ് സ്വീകരിച്ചവരുടെ എണ്ണം 50 ലക്ഷം കവിഞ്ഞു. 38 ലക്ഷം പേർ 2 ഡോസ് വാക്സീനും എടുത്തവരാണ്. 16 വയസ്സിനു മുകളിലുള്ളവരുടെ വിഭാഗത്തിൽ 65.54% പേരും വാക്സീൻ എടുത്തതായി ദേശീയ അത്യാഹിത, ദുരന്ത നിവാരണ സമിതി വക്താവ് സെയ്ഫ് അൽ ദാഹിരി അറിയിച്ചു.

സിനോഫാം വാക്സീൻ ആണ് കൂടുതൽ പേരും എടുത്തത്. നിലവിൽ അബുദാബിയിൽ 133 സ്ഥലങ്ങളിൽ വാക്സീൻ ലഭ്യമാണ്. 16 വയസ്സിനു മുകളിലുള്ളവർക്ക് വാക്സീൻ എടുക്കാം.  സിനോഫാം, ഫൈസർ, അസ്ട്രസെനക, സ്പുട്നിക്–5 എന്നീ വാക്സീനുകളിൽ ഏതു വേണമെങ്കിലും ജനങ്ങൾക്കു സ്വീകരിക്കാം. പൊതുജന സുരക്ഷ ഉറപ്പാക്കുന്നതിനായി സ്വദേശികൾക്കും വിദേശികൾക്കും സൗജന്യമായാണ് വാക്സീൻ നൽകിവരുന്നത്.

വാക്സീൻ എടുത്തുവെന്ന് കരുതി ആരോഗ്യസുരക്ഷാ കാര്യങ്ങളിൽ വീഴ്ച പാടില്ലെന്നും അധികൃതർ ഓർമിപ്പിച്ചു.ഇതേസമയം യുഎഇയിൽ കോവിഡ് രോഗികളുടെ എണ്ണം 5 ലക്ഷം കവിഞ്ഞു. ഇന്നലത്തെ കണക്കുപ്രകാരം 5,02,791 പേർക്കാണ് രോഗം പിടിപെട്ടത്. ഇതിൽ 4,85,078 പേരും രോഗം മാറി ആശുപത്രി വിട്ടിരുന്നു. ചികിത്സയിലുള്ളത് 16,152 പേരും. ഇതുവരെ മലയാളികളടക്കം 1561 പേർ മരിച്ചു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN GULF
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഇരട്ട മാസ്ക് ഉപയോഗിക്കുമ്പോൾ ശ്രദ്ധിക്കേണ്ടത്

MORE VIDEOS
FROM ONMANORAMA