15,000 തൊഴിലാളികൾക്ക് നോമ്പുതുറ വിഭവങ്ങളെത്തിച്ച് ഗ്രാൻഡ് മോസ്ക്
Mail This Article
×
അബുദാബി∙ ഷെയ്ഖ് സായിദ് ഗ്രാൻഡ് മോസ്ക് റമസാനിൽ ദിവസേന 15,000 തൊഴിലാളികൾക്ക് നോമ്പുതുറ വിഭവങ്ങൾ വിതരണം ചെയ്യുന്നു. സാധാരണ റമസാനിൽ പള്ളി അങ്കണത്തിൽ പതിനായിരങ്ങൾക്ക് ഇഫ്താർ നൽകിയിരുന്നത് കോവിഡ് നിബന്ധന മൂലം നിർത്തിവച്ചിരുന്നു.
റമസാൻ ടെന്റിനും വിലക്കു വന്നതിനെ തുടർന്നാണ് ഭക്ഷണം ക്യാംപിലും വീടുകളിലും എത്തിക്കുന്നത്. റമസാൻ ഒന്നിനു തുടങ്ങിയ പദ്ധതിയിലൂടെ 4.5 ലക്ഷം പേർക്കു ഭക്ഷണം എത്തിക്കും.
90 പാചക വിദഗ്ധരും 145 തൊഴിലാളികളും ചേർന്നാണ് കോവിഡ് മാനദണ്ഡം പാലിച്ച് ഭക്ഷണം പാകം ചെയ്യുന്നത്. ആംഡ് ഫോഴ്സസ് ഓഫിസേഴ്സ് ക്ലബ് ആൻഡ് ഹോട്ടലിന്റെ സഹകരണത്തോടെയാണ് പദ്ധതി. അബുദാബി ഭക്ഷ്യസുരക്ഷാ അതോറിറ്റിയുടെയും നിബന്ധനകൾ പാലിച്ചാണ് വിതരണം.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.