യുഎഇയിൽ കഴിഞ്ഞ 24 മണിക്കൂറിനിടെ 318 കോവിഡ് രോഗികൾ
Mail This Article
അബുദാബി∙ യുഎഇയിൽ കഴിഞ്ഞ 24 മണിക്കൂറിനിടെ 318 പേർ കോവിഡ്19 ബാധിതരായതായും 380 പേർ രോഗമുക്തി നേടിയതായും ആരോഗ്യ –രോഗപ്രതിരോധ മന്ത്രാലയം അറിയിച്ചു. 2 പേർ കൂടി മരിച്ചതോടെ ആകെ മരണം 2,080 ആയി.
ആകെ രോഗികൾ–7,33,643. രോഗമുക്തി നേടിയവർ–7,25,634. ചികിത്സയിലുള്ളവർ–5,929. വിവിധ രാജ്യക്കാരാണ് രോഗബാധിതർ. ഇവർക്ക് മികച്ച ചികിത്സയാണ് നൽകുന്നതെന്നും വാക്സിനേഷൻ വ്യാപകമായി നടന്നുവരുന്നതായും അധികൃതർ പറഞ്ഞു.
മൂന്നു ലക്ഷത്തിലേറെ കോവിഡ് പരിശോധന കൂടി
യുഎഇയിൽ 3,40,996 പേർക്ക് കൂടി പിസിആർ പരിശോധന നടത്തിയതോടെ ആകെ കോവിഡ് പരിശോധന 80.6 ദശലക്ഷത്തിലേറെ ആയതായി അധികൃതർ പറഞ്ഞു.
കോവിഡ്19 പ്രോട്ടോകോൾ പിന്തുടരുന്നതിൽ കൂടുതൽ ജാഗ്രത പാലിക്കണമെന്ന് അധികൃതർ നിർദേശിച്ചു. മാസ്ക് ധരിക്കുകയും സാമൂഹിക അകലം പാലിക്കുകയും വേണം. ഇല്ലെങ്കിലും ഇൗ മേഖലയിൽ പ്രവർത്തിക്കുന്ന ആരോഗ്യപ്രവർത്തകരുടെ പ്രയത്നത്തിന് വിലയില്ലാതായിപ്പോകുമെന്ന് ആവർത്തിച്ച് വ്യക്തമാക്കി. നിയമലംഘനങ്ങൾ ശ്രദ്ധയിൽപ്പെട്ടാൽ ദുബായ് കൺസ്യൂമർ ആപ്പ് വഴിയോ 600545555 എന്ന നമ്പരിലോ, Consumerrights.ae വെബ്സൈറ്റ് സന്ദർശിച്ചോ വിവരം അധികൃതരെ അറിയിക്കണം.
English Summary: 318 new Covid cases reported in UAE