അതിവേഗ ലൈസൻസ്: മുന്നിൽ ബർദുബായ്

ദുബായ് ∙ സ്ഥാപനം തുടങ്ങാൻ അതിവേഗം അനുമതി നൽകുന്ന സംവിധാനം നിലവിൽ വന്ന 2017നു ശേഷം 32,564 ലൈസൻസുകൾ അനുവദിച്ചതായി ദുബായ് ഇക്കോണമി ആൻഡ് ടൂറിസം അറിയിച്ചു. 

'ദുബായിൽ നിക്ഷേപിക്കുക'  എന്ന സംവിധാനത്തിലൂടെയാണ് അതിവേഗ ലൈസൻസ് ലഭ്യമാക്കുന്നത്.  സൈറ്റ്: invest.dubai.ae. 

ലൈസൻസ് ലഭിച്ചവരിൽ കൂടുതൽ പേരും തിരഞ്ഞെടുത്തത് ബർദുബായ് മേഖലയാണ്-27,200  ലൈസൻസുകൾ. 

അൽ ഫഹീദി, ബുർജ് ഖലീഫ, അൽമറർ, പോർട് സഈദ്, ട്രേഡ് സെന്റർ വൺ, നായിഫ്, ദുബായ് ഇൻവെസ്റ്റ്മെന്റ് പാർക്ക്, കരാമ, മൻഖൂൽ, ഗർഹൂദ് എന്നിവയാണ് പ്രിയപ്പെട്ട മേഖലകൾ. 

ബിസിനസ് സ്ഥാപനങ്ങൾക്കു ലൈസൻസ് നൽകുമ്പോൾ സ്വദേശിവൽക്കരണത്തിനുള്ള ക്വാട്ടയും നിശ്ചയിക്കും.