കാര്യക്ഷമത; സമുദ്ര ഗേറ്റ് വേകളുടെ പട്ടികയിൽ ഹമദ് തുറമുഖം

ദോഹ∙ ലോകത്തിലെ ഏറ്റവും  കാര്യക്ഷമതയുള്ള സമുദ്ര ഗേറ്റ് വേകളുടെ പട്ടികയിൽ ഹമദ് തുറമുഖം മൂന്നാമത്.

ലോക ബാങ്കിന്റെയും 2021 ലെ എസ് ആൻഡ് പി ഗ്ലോബൽ മാർക്കറ്റ് ഇന്റലിജൻസിന്റെ 370 അംഗ കണ്ടെയ്‌നർ പോർട്ട് പ്രകടന സൂചികയിലുമാണു ഹമദ് തുറമുഖം മുൻനിരയിലെത്തിയത്. 

 കഴിഞ്ഞ വർഷം ഓരോ ലോഡിങ്ങിനും അൺലോഡിങ്ങിനുമായി തുറമുഖത്തു കപ്പലുകൾ ചെലവഴിക്കുന്ന മണിക്കൂറുകളും സൂചിക പരിഗണിക്കുന്നുണ്ട്. 

 ആഗോളതലത്തിലുള്ള എല്ലാ സമുദ്ര തുറമുഖങ്ങളിലും കപ്പലുകളുടെ കനത്ത തിരക്കാണു അനുഭവപ്പെട്ടത്

.   2021 ൽ ഹമദ് തുറമുഖത്തു 1,750 കപ്പലുകളാണ് എത്തിയത്. 1.54 ദശലക്ഷം ടിഇയുഎസ്, 13 ലക്ഷം ടൺ കാർഗോ, 26,72,000 ടൺ ജനറൽ കാർഗോ, 4,55,000 കന്നുകാലികൾ, 7,22,000 യൂണിറ്റ് വാഹനങ്ങളും ഉപകരണങ്ങളും മറ്റുമാണ് തുറമുഖം കൈകാര്യം ചെയ്തത്.