യുഎഇയിൽ അടുത്ത ആഴ്ച മഴയ്ക്കു സാധ്യത

അബുദാബി∙ രാജ്യത്തിന്റെ വിവിധ ഭാഗങ്ങളിൽ അടുത്ത ആഴ്ച മഴയ്ക്കു സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം അറിയിച്ചു. 14നും 17നും  ഇടയിൽ കിഴക്കൻ മേഖലയിലും തെക്കൻ മേഖലയിലുമാണ് മഴയ്ക്കു സാധ്യത. കിഴക്കൻ ദിക്കിൽ രൂപപ്പെടുന്ന ന്യൂനമർദ്ദം അടുത്തയാഴ്ചയോടെ രാജ്യത്ത് എത്തുമെന്നാണ് കണക്കു കൂട്ടൽ.

ഇതിനിടെ രാജ്യത്തെ താപനില ഉയർന്നു തന്നെ തുടരുകയാണ്. പകൽ 47 ഡിഗ്രിവരെയാണ് ചൂട്. ചൂടു കുടുന്നത് മഴയുടെ സൂചനയാണ്. കഴിഞ്ഞ ആഴ്ചകളിൽ പെയ്ത മഴ രാജ്യത്തിന്റെ വടക്കൻ എമിറേറ്റുകളിൽ കനത്ത വെള്ളപ്പൊക്കവും നാശനഷ്ടവും ഉണ്ടാക്കിയിരുന്നു.