ജിദ്ദയിൽ വീണ്ടും ശക്തമായ മഴ

ജിദ്ദ∙ ജിദ്ദയിൽ ഇന്നലെയും ശക്തമായ മഴ. പലയിടത്തും വെള്ളം കയറി. മഴയ്ക്ക് സാധ്യതയുണ്ടെന്നു നേരത്തെ തന്നെ കാലാവസ്ഥ വിഭാഗം മുന്നറിയിപ്പ് നൽകിയിരുന്നു. ഇന്നലെ മുതൽ തന്നെ അന്തരീക്ഷം മേഘാവൃതമാണ്.

ശക്തമായ മഴയിൽ ചില സ്ഥലങ്ങളിൽ ട്രാഫിക് സിഗ്നലുകൾ പ്രവർത്തന രഹിതമായി. പല സ്ഥലങ്ങളിലും വാഹനങ്ങൾ റോഡുകളിൽ പണിമുടക്കി. റോഡുകളിൽ വെള്ളം ഉയർന്ന് വന്നു. അണ്ടർ പാസേജുകളിൽ വെള്ളം കെട്ടിനിൽക്കാതിരിക്കാനാവശ്യമായ ക്രമീകരണങ്ങൾ ഒരുക്കിയിട്ടുണ്ടെങ്കിലും മഴ ശക്തമായി തുടരുകയാണെങ്കിൽ ഗതാഗത തടസം ഉണ്ടാകാനിടയുണ്ട് .

English Summary : 2 died as torrential rain disrupts life in Jeddah