ജപ്തി ചെയ്ത വാഹനം പിഴ അടച്ച് തിരിച്ചെടുക്കാം; അനുവദിച്ച ദിവസത്തിനുള്ളിൽ തിരിച്ചെടുത്തില്ലെങ്കിൽ പൊതു ലേലത്തിൽ വിൽക്കും

ദോഹ∙മൂന്നു മാസത്തിലധികമായി ഗതാഗത വകുപ്പ് ജപ്തി ചെയ്ത  വാഹനങ്ങൾ 30 ദിവസത്തിനുള്ളിൽ പിഴ അടച്ച്  ഉടമകൾക്ക് തിരിച്ചെടുക്കാൻ അവസരം. 

ഇതിനായി ഇൻഡസ്ട്രിയൽ ഏരിയ സ്ട്രീറ്റ് നമ്പർ 52 ലെ ഗതാഗത അന്വേഷണ വകുപ്പിനെയാണ് വാഹന ഉടമകൾ സമീപിക്കേണ്ടത്.  സെപ്റ്റംബർ 4 മുതൽ 30 ദിവസത്തിനുള്ളിൽ പിഴത്തുകയും ഗ്രൗണ്ട് ഫീസും അടച്ച് വാഹനം തിരിച്ചെടുക്കാം. 

അനുവദിച്ച ദിവസത്തിനുള്ളിൽ ഉടമകൾ വാഹനം  തിരിച്ചെടുത്തില്ലെങ്കിൽ പൊതു ലേലത്തിൽ വിൽക്കുമെന്നും അധികൃതർ അറിയിച്ചിട്ടുണ്ട്.

English Summary: Traffic department calls on owners of impounded vehicle to clear dues.