പലസ്തീന് പിന്തുണ അറിയിച്ച് സൗദി കിരീടാവകാശി

ജിദ്ദ ∙ ഇസ്രയൽ കനത്ത വ്യോമാക്രമണം തുടരുന്നതിനിടെ പലസ്തീന് പിന്തുണ അറിയിച്ച് സൗദി കിരീടാവകാശി മുഹമ്മദ് ബിൻ സൽമാൻ രാജകുമാരൻ.  പലസ്തീൻ അതോറിറ്റി പ്രസിഡന്‍റ് മഹ്മൂദ് അബ്ബാസുമായി ഫോണില്‍ സംസാരിച്ചു. നീതിയും അവകാശങ്ങളും ലഭിക്കുംവരെ പലസ്തീനൊപ്പമായിരിക്കും സൗദിയെന്ന് അദ്ദേഹം അറിയിച്ചു. സൗദി സമാധാനശ്രമങ്ങളും തുടരുന്നുണ്ട്.

നിലവിലെ സാഹചര്യം ഇരുവരും ചർച്ച ചെയ്തു. സംഘർഷം രൂക്ഷമാകാതിരിക്കാനും മരണം ഒഴിവാക്കാനും പ്രശ്നപരിഹാരത്തിന് ശ്രമം തുടരുന്നതായി മുഹമ്മദ് ബിൻ സൽമാൻ പലസ്തീൻ പ്രസിഡന്‍റിനെ അറിയിച്ചു.