മേജർ രവിക്ക് യുഎഇ ഗോൾഡൻ വീസ
![major-ravi-golden-visa ഇസിഎച് ഡിജിറ്റൽ സിഇഒ ഇഖ്ബാൽ മാർക്കോണിയിൽ നിന്നും മേജർ രവി യുഎഇയുടെ ഗോൾഡൻ വീസ ഏറ്റുവാങ്ങുന്നു](https://img-mm.manoramaonline.com/content/dam/mm/mo/global-malayali/gulf/images/2023/10/19/major-ravi-golden-visa.jpg?w=1120&h=583)
Mail This Article
ദുബായ്∙ നടനും നിർമാതാവും സംവിധായകനുമായ മേജർ രവി ഇന്ത്യൻ സൈനിക സേവനങ്ങളിൽ നൽകിയ സംഭവനകളെയും വിശിഷ്ട സേവനങ്ങളെയും മുൻനിർത്തിയാണ് യുഎഇ ഗോൾഡൻ വീസ ആദരം യുഎഇ സർക്കാർ നൽകിയിരിക്കുന്നത് . ദുബായിലെ മുൻനിര സർക്കാർ സേവന ദാതാക്കളായ ഇസിഎച് ഡിജിറ്റൽ ആസ്ഥാനത്ത് എത്തി സിഇഒയും ഇന്ത്യൻ നാവിക സേനയിലെ മെർച്ചന്റ് നേവിയിലെ മുൻ സെക്കന്റ് ഓഫിസർ ഇഖ്ബാൽ മാർക്കോണിയിൽ നിന്നും മേജർ രവി യുഎയുടെ പത്ത് വർഷ കാലാവധിയുള്ള വീസ ഏറ്റുവാങ്ങി .
ചടങ്ങിൽ ദുബായ് സാമ്പത്തിക കാര്യ വകുപ്പിലെ ഉദ്യോഗസ്ഥരായ ഹിബ ജമാൽ അഹ്മദ് , മറിയം അഹ്മദ് , എന്നിവരുടെ സാന്നിധ്യത്തിലാണ് മേജർ രവി ഗോൾഡൻ വീസ ഏറ്റുവാങ്ങുന്നത്. കേരളീയർക്കിടയിൽ ദേശീയോദ്ഗ്രന്ഥനവും ഊട്ടിയുറപ്പിക്കുന്നതിലും ദേശീയ ബോധം വളർത്തുന്നതിലും മേജർ രവിയുടെ സിനിമകൾ വലിയ പങ്കാണ് വഹിച്ചിട്ടുള്ളതെന് ചടങ്ങിൽ സി.ഇ.ഓ ഇഖ്ബാൽ മാർക്കോണി പറഞ്ഞു .