കുരുന്നുകൾ പ്രതിജ്ഞയെടുത്തു; ടിഷ്യുവിന് പകരം ഇനി തൂവാല

അബുദാബി ∙ ഭവൻസ് സ്കൂൾ അബുദാബിയുടെ നേച്ചർ ക്ലബ്ബിന്റെ ആഭിമുഖ്യത്തിൽ ഗ്രീൻ ഗ്രേസ് ക്യാംപെയ്ൻ ആരംഭിച്ചു. പരിസ്ഥിതി സംരക്ഷണത്തിന്റെ പ്രാധാന്യത്തെക്കുറിച്ച് വിദ്യാർഥികളിൽ അവബോധം സൃഷ്ടിക്കുന്നതിന്റെ ഭാഗമായാണ് സംരംഭമെന്ന് ക്യാംപെയ്ൻ ഉദ്ഘാടനം ചെയ്ത പ്രിൻസിപ്പൽ സുരേഷ് ബാലകൃഷ്ണൻ പറഞ്ഞു.

ടിഷ്യു പേപ്പറിന് പകരം തൂവാലകൾ ഉപയോഗിക്കാൻ പ്രതിജ്ഞയെടുത്താണ് പരിപാടി സമാപിച്ചത്. അധ്യാപകരും മറ്റു ജീവനക്കാരും വിദ്യാർഥികളും സജീവമായി പങ്കെടുത്തു. പ്രധാനാധ്യാപിക വനിതാ വാൾട്ടർ, ഇക്കോ ക്ലബ് കോഓർഡിനേറ്റർ ജനരജനി എന്നിവർ നേതൃത്വം നൽകി.