ഷാർജയിൽ സ്വകാര്യ സ്കൂൾ ബസ് അപകടം; 5 പേർക്കു പരുക്ക്

ഷാർജ∙ സ്വകാര്യ സ്കൂൾ ബസ് അപകടത്തിൽ 3 വിദ്യർഥികളടക്കം 5 പേർക്കു പരുക്കേറ്റു. ഇന്നലെ രാവിലെ ഷാർജയിലാണ് സംഭവം. വിദ്യാർഥികളെയുമെടുത്ത് സ്കൂളിലേക്കു വരികയായിരുന്ന ബസ് പെട്ടന്ന് തിരിച്ചതോടെ നിയന്ത്രണം വിട്ട് നടപ്പാതയിൽ ഇടിച്ചാണ് അപകടമുണ്ടായത്. നിസ്സാര പരുക്കേറ്റ വിദ്യാർഥികളെയും 2 സൂപ്പർവൈസർമാരെയും ആശുപത്രിയിൽ പ്രാഥമിക ശുശ്രൂഷ നൽകി വിട്ടയച്ചു. ബസ് ഡ്രൈവർമാർ ഗതാഗത നിയമം പാലിച്ചും അതീവ സുരക്ഷിതമായും വാഹനമോടിക്കണമെന്ന് ഷാർജ പൊലീസ് അഭ്യർഥിച്ചു.