ഡ്യൂട്ടി ഫ്രീ നറുക്കെടുപ്പിൽ ഇന്ത്യക്കാരിക്ക് എട്ട് കോടി രൂപ സമ്മാനം

ദുബായ് ∙ ഡ്യൂട്ടി ഫ്രീ നറുക്കെടുപ്പിൽ 10 ലക്ഷം ഡോളർ മുംബൈ സ്വദേശിനി രൂപ ഹരീഷ് ധവാന്. 25–ാം വിവാഹ വാർഷികം ആഘോഷിക്കാൻ ദുബായിലെത്തിയ രൂപ മുംബൈയിലേക്കു മടങ്ങുമ്പോൾ എടുത്ത ആദ്യ ടിക്കറ്റിലാണ് കോടികൾ സമ്മാനം ലഭിച്ചത്.

ഭർത്താവിന്റെ നിർബന്ധത്തിനു വഴങ്ങിയാണ് ടിക്കറ്റെടുത്തതെന്ന് 3 മക്കളുടെ അമ്മയായ രൂപ പറഞ്ഞു. ജീവിതത്തിലെ ആദ്യാനുഭവം. ജീവിതം മാറ്റിമറിക്കും ഈ ഭാഗ്യമെന്ന് രൂപ പറഞ്ഞു. മറ്റൊരു നറുക്കെടുപ്പിൽ ജപ്പാൻ മിയസാക്കി സ്വദേശി നാന കകിഹാരയ്ക്കും 10 ലക്ഷം ഡോളർ സമ്മാനം ലഭിച്ചു.