ഒഐസിസിയുടെ ആഭിമുഖ്യത്തിൽ പുതിയ അധ്യയന വർഷത്തിലേക്കുള്ള പാഠ പുസ്തക വിതരണം നടത്തി

അൽ ഹസ ∙ പുതിയ അധ്യയന വർഷത്തിലേക്കുള്ള പാഠ പുസ്തക ശേഖരണവും വിതരണവും അൽഹസ ഒഐസിസിയുടെ ആഭിമുഖ്യത്തിൽ  നടത്തി. ഉപയോഗ്യപ്രദമായ പഴയ പാഠപുസ്തകങ്ങളും, പുത്തൻ ബുക്കുകളും ശേഖരിച്ച് ടെക്സ്റ്റ്ബുക്ക് ബാങ്ക് മുഖാന്തിരം അൽഹസയിൽ ആവശ്യമുള്ള സിബിഎസ്ഇ വിദ്യാർഥികൾക്ക് വർഷങ്ങളായി നൽകിവരുന്ന പ്രവർത്തനങ്ങൾ വിപുലപ്പെടുത്തുമെന്ന് ഭാരവാഹികൾ അറിയിച്ചു.

മാർച്ച് 29ന്  വൈകിട്ട് അൽഹസ മുബാറസ് മോഡേൺ ഇന്‍റർനാഷനൽ സ്കൂളിൽ ഒഐസിസി അൽഹസ കമ്മറ്റി  വിപുലമായ സമൂഹിക സൗഹൃദ ഇഫ്താർ സംഘടിപ്പിക്കും. ഗോഡ്വീന ഷിജോക്ക് പാഠപുസ്തകങ്ങൾ കൈമാറി പ്രസിഡന്‍റ് ഫൈസൽ വാച്ചാക്കൽ ഉദ്ഘാടനം നടത്തി. ജനറൽ സെക്രട്ടറി ഉമർ കോട്ടയിൽ, ശാഫി കുദിർ, പ്രസാദ് കരുനാഗപ്പള്ളി, നവാസ് കൊല്ലം, അർശദ് ദേശമംഗലം, റഷീദ് വരവൂർ ,നിസാം വടക്കേകോണം, ലിജു വർഗ്ഗീസ്, മൊയ്തു അടാടിയിൽ, സബീന അഷ്റഫ്, റീഹാന നിസാം, ട്രഷറർ ഷിജോമോൻ വർഗ്ഗീസ് എന്നിവർ പ്രസംഗിച്ചു.